ឧត្តរមានជ័យ÷ ផ្លូវមួយកន្លែងប្រវែងប្រហែលជាង200ម៉ែត្រ ត្រង់ចំណុចផ្សារសំរោង នៅសង្កាត់សំរោង ក្រុងសំរោង ខេត្តឧត្តរមានជ័យ កំពុងរង់ការខូចខាតយ៉ាងដំណំ ថែមទាំងបង្កឲ្យប្រជាពលរដ្ឋជាច្រើន ពិបាកក្នុងការធ្វើដំណើរ ពិសេសអាជីវកលក់ដូរក្នុងផ្សារ។
តាមការត្អូញត្អែរពីប្រជាពលរដ្ឋ ដែលរស់នៅតំបន់នោះ និងអ្នកធ្វើដំណើរតាមផ្លូវជាច្រើន បានលើកឡើងថាផ្លូវនៅចំណុចមួយ កន្លែងនេះ មានក្រលុកធំៗ ហើយដីហ៊ុយខ្លាំងពេលមេឃថ្ងៃក្តៅ និងរអិលពេលភ្លៀងធ្លាក់ ពិបាកធ្វើដំណើរមែនទែន ខ្លាចតែដួលទៅបាក់ដៃបាក់ជើង បាក់កស្លាប់ដោយយថាហេតុណាមួយ។
ពលរដ្ឋជាច្រើនក៏ដូចជាអ្នកធ្វើដំណើរក៏បានលើកទៀតថា ផ្លូវមួយខ្សែត្រង់ចំណុចនេះ ភាគច្រើនខូចខាតដោយសារតែការដឹកជញ្ជូនដោយរថយន្តធំៗ ដោយគ្មានខ្វល់ពីផលប៉ះពាល់ដល់សុវត្តិភាពសុខភាពសាធារណៈ និងបើកបរគ្មានសំចៃ មិនខ្លាចពីផលប៉ះពាល់ដល់ អាយុជីវិតអ្នកដទៃ។
ប្រជាពលរដ្ឋ និងអាជីវករលក់ដូរជាច្រើន រួមទាំងអ្នកធ្វើដំណើរសូមអំពាវនាវទទូចស្នើសុំដល់លោក អ៊ុន សុភ័ក្រអភិបាលនៃគណៈអភិបាលក្រុងសំរោង និងឯកឧត្តម ស៊ុន ចាន់ថុល ទេសរដ្ឋមន្ដ្រីរដ្ឋមន្ដ្រីក្រសួងសាធារណៈការនិងដឹកជញ្ជូន សូមឯកឧត្តមមេត្តាជួយអន្តរាគមន៍កែសម្រួលផ្លូវចំណុចខាងលើនេះផងទាន៕
0 Comments:
Post a Comment