ទីតាំងលួចបើកលេងល្បែងសុីសង{ជល់មាន់និងឆ្នោតឡូតូ}តាមប្រពន្ធ័អនឡាញជស្ថិតនៅតាមបណ្តាលឃុំមួយចំនួនក្នុងស្រុកលើកដែកមន្ត្រីអាជ្ញាធរ រក្សាភាពស្ងៀមស្ងាត់!!!
(កណ្តាល)៖ ទីតាំង ល្បែងស៊ីសង ជល់មាន់តាម ប្រព័ន្ធអនឡាញ និងឆ្នោតឡូតូកំពុងបើកដំណើរការ យ៉ាងកក្រើក តាមបណ្ដាឃុំមួយចំនួន ក្នុងស្រុកលើកដែកខេត្តកណ្តាលគ្មាន ខ្លាចអាជ្ញាធរ មានសមត្ថកិច្ច ចុះបង្ក្រាបឡើយ។
ប្រជាពលរដ្ឋលើកឡើងថា៖ទីតាំងបើកភ្នាល់ជល់មាន់ តាមប្រព័ន្ធអនឡាញនិងឆ្នោតឡូតូ ទាំងនេះធ្លាប់ធ្វើកិច្ចសន្យាម្តងរួចមកហើយក្រោយពីប្រមុខ រាជរដ្ឋាភិបាល ប្រកាសឲ្យបិទល្បែងស៊ីសង ទូទាំងប្រទេសនៅថ្ងៃទី១៧ ខែកញ្ញា ឆ្នាំ២០២២ ទោះមានអាជ្ញាប័ណ្ណឬមិនមាន
អាជ្ញាប័ណ្ណក៏ដោយ នៅពេលថ្មីៗនេះគេសង្កេតឃើញថា
ល្បែងស៊ីសងជល់មាន់តាមប្រព័ន្ធអនឡាញនិងឆ្នោតឡូតូចាប់ផ្តើមបើកលេងយ៉ាង កក្រើកឡើងវិញហើយ នៅតាមបណ្ដាឃុំមួយចំនួនក្នុងស្រុកលើក ជាពិសេសឃុំខ្ពបអាទាវ និងឃុំ ក្អមសំណរ ។
បើតាមសម្ដីម្ចាស់ផ្ទះបានឲ្យអង្គភាពសារព័ត៌មានយើងឲ្យដឹងថា មេការបាននិយាយ និងម្ចាស់ផ្ទះ កុំឲ្យភ័យ គេមិនឱ្យពាក់ព័ន្ធនឹងម្ចាស់ផ្ទះឡើយព្រោះគេរត់ការ ឱ្យមន្ត្រីមានសមត្ថកិច្ចពាក់ព័ន្ធ គ្រប់លំដាប់ថ្នាក់អស់ហើយ មុននឹងដាក់ល្បែងស៊ីសង តាមប្រព័ន្ធ អនឡាញទាំងនេះ មិនឱ្យ មានរឿង ពាក់ព័ន្ធដល់ម្ចាស់ផ្ទះឡើយ ។
ប្រជាពលរដ្ឋកំពុងមានការព្រួយបារម្ភយ៉ាងខ្លាំងខណៈពេលឃើញក្រុមអ្នកញៀនល្បែងទាំងនោះប្រមូលផ្តុំគ្នាចូលទៅលេងល្បែងស៊ីសងជារាល់ថ្ងៃបែរជាអាជ្ញាធរមានសមត្ថកិច្ចក្នុងមូលដ្ឋានក្នុង ឃុំហាក់បីដូចជាគ្មានចំណាត់ការទាល់តែសោះឬមួយទទួលបានលាភសក្ការៈទើបបើកភ្លើងខៀវឲ្យម្ចាស់ទីតាំងបើកល្បែងស៊ីសងលេងបានយ៉ាងរលូនដូចច្នេះ។
ក្តីកង្វល់បងប្អូនប្រជាពលរដ្ឋសព្វថ្ងៃនេះពួកគាត់មានការព្រួយបារម្មណ៍ចំពោះសុខទុកនិងសុវត្ថិភាពរបស់ពួកគាត់ នៅពេលយប់ព្រោះថាបើទីកន្លែងណាមានបើកល្បែងស៊ីសង ទីកន្លែងនោះមិនយូរមិនឆាប់ទេនឹងកើតមានអំពើចោរកម្មដូចជា៖លួច.ឆក់.វ៉ៃប្លន់.និងគាស់ផ្ទះ ជាពិសេសអំពើហឹង្សារក្នុងគ្រួសារ ជាក់ជាមិនខាន ព្រោះថាទីតាំងទាំនោះគឺសម្បូរទៅដោយអ្នកមានលុយរាប់លានចូលទៅលេងជាប្រចាំរាល់ថ្ងៃ។
ជុំវិញពាក់ព័ន្ធល្បែងសុីសងខាងលើ៖លោក វរសេនីយ៍ឯក អាំ ធូ អធិការនគរបាលស្រុកលើកដែកគួរតែចាត់កម្លាំងក្រោមឱវាទចុះមកស្រាវជ្រាវនិងចាត់វិធានការបង្ក្រាបទីតាំងបើកល្បែងស៊ីសងខាងលើនេះផង មិនគួរណាមើលរំលងទេ!!ចៀសវាងមានការរិះគន់ពីបងប្អូនប្រជាពរដ្ឋនិងមហាជន ដាក់ការសង្ស័យទៅលើអាជ្ញាធរមូលដ្ឋានមានការឃុបឃិតគ្នាជាប្រព័ន្ធដើម្បីបើកភ្លើងខៀវឲ្យមានបទល្មើសក្នុងមូលដ្ឋានហើយមិនហ៊ានបង្ក្រាប!
ប្រជាពលរដ្ឋស្នើរសុំដល់ ឧត្តមសេនីយ៍ទោ ឈឿន សុចិត្ត ស្នងការ នៃស្នងការដ្ឋាននគរបាលខេត្តកណ្តាល ពិសេស ឯកឧត្តម គង់សោភ័ណ្ឌ អភិបាលនៃគណៈអភិបាលខេត្តកណ្តាល មេត្តាចាត់វិធានការណ៍ ចំពោះទីតាំងល្បែងជល់មាន់តាមអនឡាញខាងលើនេះផងទាន! ដើម្បីរក្សាបាននូវសុវត្តិភាពក្នុងសង្គម ពិសេសគោលនយោបាយទាំង៧ចំនុចរបស់រាជរដ្ឋាភិបាល ។
អង្គភាពអ្នកសារព័ត៌មានយើងខ្ញុំគ្រាន់តែជាកញ្ចក់ឆ្លុះបញ្ចាំង រិះគន់ក្នុងន័យស្ថាបនា ចូលរួមចំណែកជាមួយរាជរដ្ឋាភិបាល បណ្ដាញសារព័ត៌មាន យើងខ្ញុំរង់ចាំការឆ្លើយបំភ្លឺ គ្រប់ស្ថាប័នពាក់ព័ន្ធគ្រប់ពេលម៉ោងធ្វើការតាមរបបអ្នកសារព័ត៌មានសូមអរគុណ៕
