ការងារបញ្ជ្រាបយេនឌ័រអាជ្ញាធរពាក់ព័ន្ធគ្រប់លំដាប់ថ្នាក់ត្រូវតែគិតគូរអនុវត្តរួមគ្នា

 ការងារបញ្ជ្រាបយេនឌ័រអាជ្ញាធរពាក់ព័ន្ធគ្រប់លំដាប់ថ្នាក់ត្រូវតែគិតគូរអនុវត្តរួមគ្នា

(ឧត្តរមានជ័យ)ស្ត្រីដែលជាឆ្អឹងខ្នងនៃសេដ្ធកិច្ចនិងសង្គមជាតិដោយដាក់ចេញជាយុទ្ធសាស្ត្រទី១ការបន្តលើកកម្ពស់តួនាទីស្ត្រីតាមរយះការបង្កើនសមាមាត្រនិងការពង្រឹងសមត្ថភាពស្ត្រី ក្នុងជួរថ្នាក់ដឹកនាំទាំងនៅថ្នាក់ជាតិនិងថ្នាក់ក្រោមជាតិ។

ថ្លែងនៅក្នុងកិច្ចប្រជុំបូកសរុបលទ្ធផលការងារបញ្ជ្រាបយេនឌ័រនិងលទ្ធផលការងារគ.ក.ស.ក ប្រចាំឆ្នាំ២០២២និងលើកទិសដៅសម្រាប់អនុវត្តបន្តឆ្នាំ២០២៣។ឯកឧត្តមប៉ែនកុសល្យអភិបាលខេត្តឧត្តរមានជ័យបានមានប្រសាសន៏បញ្ជាក់ប្រាប់ឲ្យដឹងនៅព្រឹកថ្ងៃទី១៥ខែធ្នូឆ្នាំ២០២២នេះថា ការបញ្ជ្រាបយេនឌ័រទៅក្នុងគោលនយោបាយនិងផែនការអភិវឌ្ឍន៏គ្រប់ផ្នែក គ្រប់វិស័យនិងគ្រប់កម្រិតបន្តលើកកម្ពស់សហគ្រិនភាពជាស្ត្រីតាមរយះការពង្រីកកម្មវិធីអប់រំនិងបណ្តុះបណ្តាលជំនាញវិជ្ជាជីវះដល់ស្ត្រីព្រមទាំងលើកកម្ពស់សីលធម៌សង្គមតម្លៃស្ត្រីនិងគ្រួសារខ្មែរ តាមរយះការបង្កើនការវិនិយោគលើសមត្ថភាពយេនឌ័រនិងពង្រឹងភាពជាដៃគូរវាងស្ថាប័នពាក់ព័ន្ធសំដៅទប់ស្កាត់ការជួយដូរនិងអំពើហិង្សាលើស្ត្រីនិងកុមារ។

ឯកឧត្តមអភិបាលខេត្តបានមានប្រសាសន៏បន្តថា ដើម្បីឆ្លើយតបទៅនឹងការងារទាំងអស់នេះនិងដោយបានទទួលការគាំទ្រទាំងស្មារតីនិងថវិការពីក្រុមប្រឹក្សាគណ:អភិបាលមន្ទីរអង្គភាពពាក់ព័ន្ធដៃគូរះភិវឌ្ឍន៏និងឆន្ទ:ប្រកបដោយស្មារតីទទួលខុសត្រូវខ្ពស់ព្រមទាំងកិច្ចសហការល្អជាមួយមន្ទីរពាក់ព័ន្ធបានយកអស់កម្លាំងកាយចិត្តខិតខំអនុវត្តការងារធ្វើឲ្យស្ថានភាពស្ត្រីយុវវ័យកុមារនិងជនងាយរងគ្រោះមានភាពល្អប្រសើរឡើង។

សូមជម្រាបថា ការងារបញ្ជ្រាបយេនឌ័រគឺជាការងារអន្តរវិស័យដែលគ្រប់ស្ថាប័នពាក់ព័ន្ធនិងអាជ្ញាធរគ្រប់លំដាប់ថ្នាក់ត្រូវគិតគូរនិងយកចិត្តទុកដាក់អនុវត្តរួមគ្នាជាក់ស្តែងគណ:កម្មាធិការពិគ្រោះយោបល់កិច្ចការស្ត្រីនិងកុមារត្រូវបានបង្កើតឡើងដោយក្រុុមប្រឹក្សាខេត្តក្នុងអាណត្តិនីមួយៗផ្អែកតាមច្បាប់ស្តីពីការគ្រប់គ្រងរដ្ធបាលខេត្ត ក្រុង ស្រុក ឃុំ សង្កាត់ លើបញ្ហាពាក់ព័ន្ធនិងសមភាពយេនឌ័របញ្ហាស្ត្រីយុវវ័យកុមារនិងជនងាយរងគ្រោះដែលស្ថិតនៅក្នុងអំណាចមុខងារនិងភារកិច្ចរបស់ក្រុមប្រឹក្សាខេត្ត។ (ដោយឈឿន ប៊ុនឈី)

(សូមអានបន្ត)

ពិធីប្រកាសចូលកាន់មុខតំណែងអភិបាលរង នៃគណៈអភិបាលស្រុកព្រះស្តេច!

 ពិធីប្រកាសចូលកាន់មុខតំណែងអភិបាលរង នៃគណៈអភិបាលស្រុកព្រះស្តេច!

ព្រៃវែង៖ នាព្រឹកថ្ងៃព្រហស្បតិ៍ ៧ រោច ខែមិគសិរ ឆ្នាំខាល
ចត្វាស័ក ពុទ្ធសករាជ ២៥៦៦ត្រូវនឹងថ្ងៃទី១៥ ខែធ្នូ ឆ្នាំ២០២២ឯកឧត្តម អន ភារៈ អភិបាលរងនៃគណៈអភិបាលខេត្តព្រៃវែងគណរដ្ឋបាលខេត្តព្រៃវែង តំណាងឯកឧត្តម ជា សុមេធី អភិបាលនៃគណៈអភិបាលខេត្តព្រៃវែង បានអញ្ជើញជាអធិបតីដ៏ខ្ពងខ្ពស់ក្នុងពិធីប្រកាសចូលកាន់មុខតំណែងអភិបាលរង នៃគណៈអភិបាលស្រុក នៅសាលប្រជុំសាលាស្រុកព្រះស្តេច ។

ក្នុងពិធីនេះផងដែរ ក៏មានការអញ្ចើញចូលរួម ពី ឯកឧត្តម លោកជំទាវ សមាជិកក្រុមប្រឹក្សាខេត្ត-ស្រុក អភិបាល អភិបាលរងខេត្ត-ស្រុក ប្រធានមន្ទីរ អង្គភាព ជុំវិញខេត្ត សមាជិកក្រុមប្រឹក្សា ឃុំ សង្កាត់ ព្រមទាំងមន្ត្រីរាជការបានអញ្ជើញចូលរួមផងដែរ ។

ត្រូវបានប្រកាសតែងតាំង អភិបាលរង នៃគណៈអភិបាលស្រុកព្រះស្តេចចំនួន ២រូបបន្ថែម និងប្រកាសផ្ទេរភារកិច្ច មានដូចខាងក្រោម ៖
១-លោក ចាប សុីនីម ជាអភិបាលរង នៃគណៈអភិបាលស្រុកព្រះស្តេច។
២-លោក លឹម គីមឡុង ជាអភិបាលរង នៃគណៈអភិបាលស្រុកព្រះស្តេច។

ក្រោយពីបានស្តាប់មតិប្តេជ្ញាចិត្ត របស់លោកអភិបាលរងស្រុកព្រះស្តេចថ្មីទាំងពីរូប ដែលត្រូវប្រកាសចូលកាន់តំណែង ក្នុងឱកាសនោះ ឯកឧត្តម អន ភារៈអភិបាលរងខេត្ត បានមានប្រសាសន៍អបអរសាទរចំពោះលោក ចាប សុីនីម និងលោក លឹម គីមឡុង ដែលត្រូវតែងតាំងជាអភិបាលរងស្រុកព្រះស្តេច។ ឯកឧត្តមអភិបាលរងខេត្ត បានគូសរំលេចនូវសមិទ្ធផលថ្មីៗសម្រេចបានរបស់រាជរដ្ឋាភិបាលក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា មានជាអាទិ៍ ការប្រយុទ្ធប្រឆាំងដោយជោគជ័យនូវការរាតត្បាតជំងឺកូវីដ ១៩ ការរក្សានូវសន្តិភាព ស្ថេរភាពសង្គម សន្តិសុខសណ្តាប់ធ្នាប់សាធារណៈ ការអភិវឌ្ឍលើគ្រប់វិស័យ និងការពារបានយ៉ាងគត់មុតនូវបូរណភាពទឹកដី ។

ជាចុងក្រោយ ឯកឧត្តម អន ភារៈ អភិបាលរង នៃគណៈអភិបាលខេត្តព្រៃវែង ក៏បានណែនាំដល់លោកអភិបាលរង ចំនួន២រូបដែលទើបប្រកាសចូលកាន់តំណែងនៅពេលនេះ ត្រូវអនុវត្តឲ្យមានប្រសិទ្ធិភាពគោលការណ៍ដឹកនាំរបស់ប្រមុខរាជរដ្ឋាភិបាល ចូលរួមទប់ស្កាត់ការរីករាលដាលជំងឺកូវីដ១៩ បន្តថែរក្សាការពារសន្តិភាព ស្ថេរភាពនយោបាយសណ្តាប់ធ្នាប់សាធារណៈ ជំរុញការអនុវត្តកម្មវិធីកំណែទម្រង់នានារបស់រាជរដ្ឋាភិបាល បន្តខិតខំពង្រឹងសាមគ្គីភាព ឯកភាពផ្ទៃក្នុងឲ្យបានល្អ ពង្រឹងតួនាទីភារកិច្ចរបស់ខ្លួនឲ្យមានប្រសិទ្ធភាពនិងការពង្រឹងសមត្ថភាពមន្រ្តីក្រោមឱវាទក្នុងការបំពេញការងាររដ្ឋបាលប្រចាំថ្ងៃឲ្យកាន់ល្អប្រសើរបន្ថែមទៀត៕

(សូមអានបន្ត)

សមាគមថ្នាលយុវជនកម្ពុជា ស.យ.ក បានចុះជួបសំណេះសំណាល និង ត្រៀមដាក់បញ្លូលសមាជិកថ្មីៗ បន្ថែមទៀត...

 #សូមដឹងគុណសន្តិភាព អរគុណសន្តិភាព

សមាគមថ្នាលយុវជនកម្ពុជា ស.យ.ក បានចុះជួបសំណេះសំណាល និង ត្រៀមដាក់បញ្លូលសមាជិកថ្មីៗ បន្ថែមទៀត

កំពង់ឆ្នាំងៈនៅព្រឹកថ្ងៃទី១២ ខែធ្នូ ឆ្នាំ២០២២ វេលាម៉ោង១១និង៣០នាទីថ្ងៃត្រង់នេះ លោកលី ម៉ាត់ និងលោកយ៉ើ រ៉សាលី ជាអនុប្រធានសមាគមថ្នាលយុវជនកម្ពុជា(សយក)ប្រចាំសាខាខេត្តកំពង់ឆ្នាំង តំណាងឲ្យលោកយ៉ែម លក្ខិណាប្រធានប្រតិបត្តិសមាគមថ្នល់យុវជនកម្ពុជា(សយក)ប្រចាំខេត្តកំពង់ឆ្នាំង បានចូលរួមអមដំណើរ លោកប្រធានប្រតិបត្តិសមាគមថ្នាលយុវជនកម្ពុជា(សយក)ស្នាក់ការកណ្ដាលរាជធានីភ្នំពេញ ។
លោកម៉ៅ ផល្លា  លោកជំទាវគ្រី សារ៉ន សមាជិកក្រុមប្រឹក្សាភិបាល ឯកឧត្តមសុខ សម្បត្តិ សមាជិកក្រុមប្រឹក្សាភិបាល និងជាប្រធានក្រុមប្រឹក្សាវិន័យ និងលោកអនុប្រធានកន ភារុំ លោកលេខា ឡេង គីមស្រ៊ាវ លោកលេខា ប៉ាវ គឹមសាន  លោកស្រីលេខា មឿនប៉ូលីន និងសមាជិកសមាជិកាខេត្ត លោកសុះ សុប អុីប្រធានប្រតិបត្តិសមាគមថ្នាលយុវជនកម្ពុជា(សយក)អនុសាខាស្រុកកំពង់ត្រឡាចនិងថ្នាក់ដឹកនាំស្រុកឃុំសមាជិកសមាជិកាអនុស្សាស្រុកជាច្រើនរូបផងដែរ បានចុះជួបថៅកែរោងចក្រ ក្នុងភូមិព្រៃពីស ឃុំឈូកស ស្រុកកំពង់ត្រឡាច ខេត្តកំពង់ឆ្នាំ គឺនៅរោងចក្រត្រីប៉ុស មានតំណាងកម្មករកម្មានីចូលរួមចំនួន១២រូប
ដេីម្បីសំណេះសំណាល និងពន្យល់អោយគាត់យល់ពីសមាគមថ្នាលយុវជន (ស.យ.ក) ថាបង្កេីតឡេីងក្នុងគោលបំណងអ្វីដែលកម្មករកម្មការនីក្នុងរោងចក្រត្រីប៉ុសចូលរួមជាសមាជិករបស់សមាគមថ្នាលយុវជន(ស.យ.ក )ជាច្រើនរូបនៅក្នុងរោងចក្រទាំងមូល។

និងត្រៀមដាក់បញ្លូលកម្មករកម្មការិនីដែលជាសមាជិកសមាជិកាថ្មី ក៏ពេញចិត្តក្នុងគោលបំណងសកម្មភាពមនុស្សធម៌ជាមួយ សមាគមថ្នាលយុវជនកម្ពុជាក៏ដូចជាពេញចិត្តក្នុងការស្រឡាញ់ចំពោះថ្នាក់ដឹកនាំដែលមាន សម្ដេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី និងគាំទ្រ ឯកឧត្តមបណ្ឌិត ហ៊ិន ម៉់ាណែត ជាបេក្ក្ខភាពនាយករដ្ឋមន្ត្រី បន្តវេននាពេលអនាគត់មិនងាករេដាច់ខាត។

ក្នុងនោះដែរក្រុមការងារបានជួបជាមួយលោកថៅកែរោងចក្រនិងរដ្ឋបាល ព្រមទាំងប្រធានផ្នែក និងប្រធានក្រុមរបស់រោងចក្រត្រីប៉ុសដោយក្តីសប្បាយរីករាយក្នុងអង្គប្រជុំបានប្រព្រឹត្តទៅបានដោយរលូន។
ជាបញ្ចប់លោក ម៉ៅ ផល្លា ប្រធានប្រតិបត្តិស្នាក់ការកណ្តាលរាជធានីភ្នំពេញសូមថ្លែងអរគុណយ៉ាងជ្រៀវជ្រៅចំពោះលោកថៅកែព្រមទាំងរដ្ខបាលកម្មករកម្មនីដែលអនុញ្ញាតិឱ្យចូលជួបការងារនឹងសំណេះសំណាលសួរសុខបងប្អូនក្នុងភាពស្និទ្ធស្នាលនឹងសប្យាយរីករាយបំផុតចុងក្រោយលោកម៉ៅ ផល្លាសូមឱ្យបងប្អូនទាំងអស់ជួបតែពរទាំងបួនប្រការគឺ អាយុៈ វណ្ណ: សុខ: ពល: កុំបីឃ្លៀងឃ្លៀតឡើយ។
                    សូមអរគុណសន្តិភាព🙏

(សូមអានបន្ត)

លោកឡុង សាវ៉េត នាយប៉ុស្តិ៍រដ្ឋបាលឃុំកាំងចាមសុីប្រាក់ខែរាស្ត្រមិនបំរើរាស្ត្រទេ! គិតតែផលប្រយោជន៍ខ្លួន អាងខ្លួនជាអជ្ញាធរកាន់ច្បាប់ មិនគោរពច្បាប់ថែមទាំងអង្គុយលើច្បាប់ទៀតផង...

 លោកឡុង សាវ៉េត នាយប៉ុស្តិ៍រដ្ឋបាលឃុំកាំងចាមសុីប្រាក់ខែរាស្ត្រមិនបំរើរាស្ត្រទេ! គិតតែផលប្រយោជន៍ខ្លួន អាងខ្លួនជាអជ្ញាធរកាន់ច្បាប់ មិនគោរពច្បាប់ថែមទាំងអង្គុយលើច្បាប់ទៀតផង...

ខេត្តស្ទឹងត្រែង ÷ ដូចមហាជនបានជ្រាបមកហើយថា កាលពីអំឡុងថ្ងៃទី២០ ខែតុលា ឆ្នាំ២០២១ កន្លងទៅមានបងប្អូនប្រជាពលរដ្ដ្ឋនិងក្រុមអ្នកសារព័ត៌មានច្រើនជាច្រើនអង្គភាពបានចុះផ្សាយពីលោក ឡុង សាវ៉េត នាយប៉ុស្តិ៍រដ្ឋបាលឃុំកាំងចាមបានកាងបទល្មើសកាប់បំផ្លិចបំផ្លាញផលអនុផលព្រៃយកទៅលក់អោយឈ្មួញយ៉ាងសកម្មនៅមិនទាន់មានចំណាត់ការពីថ្នាក់ដឹកនាំនៅឡើយទេ ។

រហូតមកដល់បច្ចុប្បន្ននេះជាក់ស្តែងកាលពីថ្ងៃទី៧ ខែធ្នូ ឆ្នាំ២០២២ លោក ឡុង សាវ៉េត នាយប៉ុស្តិ៍រូបនេះបានកាប់ទន្ទ្រានដីព្រៃដែលជាសម្បត្តិរបស់រដ្ឋយ៉ាងអនាធិបតេយ្យស្រេចតែទំនើងចិត្ត ដែលស្ថិតនៅចំនុចស្រែល្បើក ភូមិរុន ឃុំកាំងចាម ស្រុកថាឡាបរិវ៉ាត់ ខេត្តស្ទឹងត្រែងបានយ៉ាងរលូនទៀត ដោយគ្មានខ្លាចញញើតនិងច្បាប់ទាល់តែសោះ អាងខ្លួនជាមន្ត្រីរាជការ មិនអនុវត្តច្បាប់ បែរជាយកច្បាប់មកអង្គុយលើទៅវិញ។

បន្ទាប់ពីទទួលបាន និងឃើញពីសកម្មភាពរបស់លោក ឡុង សាវ៉េត និងប្រពន្ធរបស់ខ្លួនបានដើរដុតបំផ្លាញដីព្រៃដែលជាសម្បត្តិរបស់រដ្ឋយ៉ាងអនាធិតេយ្យដូច្នេះ ក្រុមអ្នកសារព័ត៌មានបានចុះទៅថតផ្តិតយករូបភាពនិងធ្វើការសាកសួរ ស្រាប់តែលោក មេប៉ុស្តិ៍និងប្រពន្ធរបស់ខ្លួន ជេរប្រមាថ មាក់ងាយនិងគំរាមបាញ់សម្លាប់ក្រុមអ្នកសារព័ត៌មានថែមទៀតផង បើសិនជាហ៊ានធ្វើការផ្សព្វផ្សាយ ពិតជាសាហាវនិងគួរអោយស្ងើចសរសើរមែន ។

សំនួរសួរថា ÷
១.តើក្រុមអ្នកសារព័ត៌មាន មានគុំនុំអ្វីនិងលោកមេប៉ុស្តិ៍? បានជាលោកចង់បាញ់សម្លាប់អ្នកសារពត៍មានចោល? តើលោកបានប្រព្រឹត្តអ្វីខុស? បើខ្លួនត្រឹមត្រូវហេតុអ្វីចាំបាច់ខ្លាចអ្នកសារព័ត៌មានដល់ម្លុឹង?
២.ក្នុងនាមលោកជាមេប៉ុស្តិ៍សុីប្រាក់ខែរាស្ត្រលោកបានធ្វើអ្វីខ្លះដើម្បីបំរើជាតិ និងបម្រើរាស្ត្រ? រឺគ្រាន់តែយកអំណាចជាមេប៉ុស្តិ៍ ដើរកាងបទល្មើស ដើម្បីតែផលប្រយោជន៍ផ្ទាល់ខ្លួន?
៣.ប្រសិនជាមានមន្ត្រីរាជការដូចលោក ឡុង សាវ៉េត តើអោយប្រជាពលរដ្ឋទៅសង្ឃឹមអ្វី? អាងតែរឿង បាញ់បោះ កាប់ចាក់ គំរាមកំហែងយ៉ាងដូច្នេះ? ប្រទេសមានច្បាប់ណាលោក។
តាមប្រសាសន៍របស់សម្តេចអគ្គសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងថា អ្នកសារព័ត៌មានជាដៃគូរសហការដ៏ល្អរបស់អាជ្ញាធរមន្ត្រីរាជការគ្រប់លំដាប់ថ្នាក់ដែលមិនអាចខ្វះបាន ចុះបើមានមន្ត្រីអាជ្ញាធរដូចលោក ឡុង សាវ៉េត សុទ្ធតែចង់បាញ់សម្លាប់អ្នកសារព័ត៌មានចោលចឹង តើក្រុមអ្នកសារព័ត៌មានទៅសហការជាមួយអ្នកណា?

ប្រជាពលរដ្ឋនិងក្រុមអ្នកសារព័ត៌មាន ស្នើរសុំដល់ លោក សន សារឿន អភិបាលនៃគណ:អភិបាលស្រុកថាឡាបរិវ៉ាត់ ឯកឧត្តម ស្វាយ សំអ៊ាង អភិបាលនៃគណៈអភិបាលខេត្តស្ទឹងត្រែង ពិសេសសម្តេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃមេត្តាជួយពិនិត្យនិងចាត់វិធានការណ៍ក្តៅគគុកដល់លោក ឡុង សាវ៉េត ជានាយប៉ុស្តិ៍កាំងចាម និងប្រពន្ធជើងខ្លាំងនេះផងទាន! អាងខ្លួនជានាយប៉ុស្តិ៍ដើរកាងតែបទល្មើស ដើរតែយកសម្បត្តិរដ្ឋមកជាប្រយោជន៍ផ្ទាល់ខ្លួនចឹង តើអោយរាស្រ្តរំពឹងអ្វី? ខូចដល់មន្ត្រីរាជការ អាជ្ញាធរល្អៗ ដែលខិតខំប្រឹងប្រែងបំរើការពារទឹកដី ព្រៃព្រឹក្សាអ្នកតាវល្លិ៍ និងរក្សាសុខសុវត្តិភាពជូនប្រជាពលរដ្ឋអស់ហើយ ឯណាទៅ ភូមិ ឃុំមានសុវត្ថិភាពទាំង៧ចំនុចរបស់រាជរដ្ឋាភិបាល តើទុកនៅឯណា?

អង្គភាពសារព័ត៌មានយើងខ្ញុំផ្សាយតែរឿងពិត សច្ចៈ ទៀងត្រង់ មិនលំអៀងទៅខាងណា ជាកញ្ចក់ឆ្លុះបញ្ចាំងពីសង្គមបច្ចុប្បន្ន រិះគន់ក្នុងន័យស្ថាបនា គ្មានចេតនាធ្វើអោយប៉ះពាល់ដល់កិត្តិយស អជ្ញាធរមូលដ្ឋាន មន្ត្រីរាជការគ្រប់លំដាប់ថ្នាក់ ពិសេសប្រមុខរាជរដ្ឋាភិបាលនោះឡើយ អង្គភាពសារព័ត៌មានយើងខ្ញុំរងចាំការបកស្រាយបំភ្លឺពីសាមុីពាក់ពន្ធ័គ្រប់លំដាប់ថ្នាក់ក្នុងម៉ោងធ្វើការ សូមអរគុណ៕

(សូមអានបន្ត)

ឯកឧត្តមគង់ សោភ័ណ្ឌអភិបាលនៃអភិបាលខេត្តកណ្តាលបានអញ្ជើញចូលរួមពិធីបុណ្យផ្កាប្រាក់សាមគ្គីនៅស្រុកអង្គស្នួល

 ស្រុកអង្គស្នួល ៖ នាព្រឹក ថ្ងៃអាទិត្យ ១១កើត ខែមិគសិរ ឆ្នាំខាល ចត្វាស័ក ព.ស.២៥៦៦ ត្រូវនឹងទី០៤ ខែធ្នូ ឆ្នាំ២០២២

"ពិធីបុណ្យផ្កាប្រាក់មហាសាមគ្គី ដើម្បីកសាងសាកលវិទ្យាល័យសម្ដេចព្រះមហាសង្ឃរាជ បួរ គ្រី” ស្ថិតនៅស្រុកអង្គស្នួល ខេត្តកណ្តាល។

«ពិធីបុណ្យផ្កាប្រាក់មហាសាមគ្គី នាឱកាសនេះ គឺបានប្រព្រឹត្តទៅតាមការមូលមតិគ្នា របស់ពុទ្ធបរិស័ទជិតឆ្ងាយ ដើម្បីចូលរួមចាប់មគ្គផលកុសលផលបុណ្យ ដើម្បីដំណើរការកសាងសាកលវិទ្យាល័យសម្ដេចព្រះមហាសង្ឃរាជ បួរ គ្រី ស្ថិតនៅស្រុកអង្គស្នួល ខេត្តកណ្តាល»។

ជាភ័ព្វសំណាងណាស់របស់ប្រជាពលរដ្ឋនៅស្រុកអង្គស្នួល ដែលមាន សាកលវិទ្យាល័យសម្តេចព្រះមហាសង្ឃរាជ បួរ គ្រី ជាសាកលវិទ្យាល័យដំបូងបង្អស់ នៅលើទឹកដីស្រុកអង្គស្នួល នៃខេត្តកណ្តាល ដែល បានបង្កើតឡើងដោយកម្លាំងមហាសាមគ្គីរួមគ្នារបស់ពុទ្ធបរិស័ទ និងសប្បុរសជន នានាក្នុង និងក្រៅប្រទេស។ 

សាកលវិទ្យាល័យនេះ នឹងបង្ហាញជារូបរាងនៅពេលខាងមុខឆាប់ៗនេះ ដើម្បីផ្តល់ឱកាសដល់យុវជន ក្មួយៗ សិស្សានុសិស្ស និស្សិត បានបន្តការសិក្សាថ្នាក់បរិញ្ញាបត្រ និងជំនាញផ្សេងៗ នៅក្បែរផ្ទះ ងាយស្រួលក្នុងការសិក្សារៀនសូត្រ និងបានកាត់បន្ថយការចំណាយច្រើនលើការសិក្សា៕

(សូមអានបន្ត)

ឈ្មួញឈើដុះស្លែចាស់វស្សាប្រចាំស្រុកថាឡាបរិវ៉ាត់ ឈ្មោះ កៃ ទៅរៀនមន្តអាគមពីឋានណាមក បានជាពូកែម្លេះ? ប្រើសិល្ប៍អ្វីទើបអាចបំបាំងភ្នែកអជ្ញាធរមន្ត្រីជំនាញមិនអោយមើលឃើញពីសកម្មភាពដឹកជញ្ជួនផលអនុផលព្រៃឈើជារៀងរាល់ថ្ងៃរបស់ខ្លួនបាន....

 ឈ្មួញឈើដុះស្លែចាស់វស្សាប្រចាំស្រុកថាឡាបរិវ៉ាត់ ឈ្មោះ កៃ ទៅរៀនមន្តអាគមពីឋានណាមក បានជាពូកែម្លេះ? ប្រើសិល្ប៍អ្វីទើបអាចបំបាំងភ្នែកអជ្ញាធរមន្ត្រីជំនាញមិនអោយមើលឃើញពីសកម្មភាពដឹកជញ្ជួនផលអនុផលព្រៃឈើជារៀងរាល់ថ្ងៃរបស់ខ្លួនបាន....

ខេត្តស្ទឹងត្រែង ÷ ការប្រកបរបរចិញ្ចឹមជីវិតរបស់មនុស្សម្នាក់ៗ រមែងមានការខុសប្លែកផ្សេងៗគ្នា ខ្លះរកស៊ីត្រូវច្បាប់ ហើយខ្លះទៀតរកសុីខុសច្បាប់ ដោយឡែកដោយមានសេចក្តីរាយការណ៍ពីប្រជាពលរដ្ឋបានអោយដឹងថាកាលពីវេលាម៉ោង៨.២០យប់ថ្ងៃទី០១ ខែធ្នូ ឆ្នាំ២០២២ នៅចំនុចអូរទន្ទឹម២ ឃុំអូររៃ ស្រុកថ:ឡាបរិវ៉ាត់ ខេត្តស្ទឹងត្រែង មានគោយន្តកន្ត្រៃដឹកជញ្ជូនផលអនុផលព្រៃឈើចេញពីព្រៃឡង់កាត់តាមឃុំចំការលើយកមកចែកចាយនៅទីរួមខេ្តស្ទឹងត្រែង ដែលគេស្គាល់ថាជារបស់ឈ្មួញឈើដុះស្លែចាស់វស្សាឈ្មោះ កៃ ។

បន្ទាប់ពីទទួលបានសេចក្តីរាយការណ៍ក្រុមអ្នកសារព័ត៌មានក៏បានចុះទៅដល់ទីតាំងខាងលើក៏ប្រទះឃើញគោយន្តដឹកផលអនុផលព្រៃឈើ០១គ្រឿងផ្ទុកដោយឈើពេញនិងមានមនុស្ស០៤នាក់ជិះពីលើគោយន្តដឹកឈើនោះច្រៀងផង ហួចផងយ៉ាងរំភើយដោយគ្មានទាក់ភ្នែកសមត្ថកិច្ចណានោះឡើយ។ បន្ទាប់ពីឃើញសកម្មភាពនេះហើយក្រុមអ្នកសារព័ត៌មានក៏បានសាកសួរទៅអ្នកបើកបរគោយន្តកន្ត្រៃ ក៏បានប្រាប់ថាជារបស់បុគ្គលឈ្មោះ កៃ ពិតមែន រួចក៏បានទូរស័ព្ទទៅថៅកែរបស់ខ្លួន បន្ទាប់ពីបានរាយរ៉ាប់តាមរយ:ទូរស័ព្ទលោក កៃ ក៏បានបញ្ជាអោយកូនចៅបើកគោយន្តចេញទៅ ប៉ុន្តែអ្នកបើកបរគោយន្តបានទំលាក់ឈើចោលហើយក៏បើកគោយន្តចេញទៅទទេ។

ប្រមាណជា៥នាទីក្រោយមកស្រាប់តែឃើញបុរស២នាក់ ១ឈ្មោះ កៃ ជាឈ្មួញឈើ និងម្នាក់ទៀតឈ្មោះ លី ជាកូនចៅបានជិះម៉ូតូម៉ាក Honda dream ពណ៌ប្រផេះ ពាក់ស្លាកលេខ ស្ទឹងត្រែង 1A 7205សេរីឆ្នាំ២០១៥ មករករឿងចង្អុលមុខស្ទុះមកកញ្ឆក់ទូរសព្ទនិងជេរប្រមាថអ្នកសារព័ត៌មាន រួចក៏ជិះម៉ូតូចេញទៅបាត់។ 

គួរបញ្ជាក់ផងដែរថាតាមប្រភពពត៍មានបានអោយដឹងទៀតថា ឈ្មួញឈើចាស់វស្សារូបបានធ្វើការដឹកជញ្ជូនផលអនុផលព្រៃឈើជាយូរឆ្នាំមកហើយ បើនិយាយពីផ្លូវវិញរូងដល់ចង្កេះទៅហើយ ដោយពុំឃើញមានមន្ត្រីជំនាញណាធ្វើការបង្ក្រាបនោះទេ ប្រហែលជាបុគ្គលឈ្មោះ កៃ រូបនេះចេះសិល្ប៍បំបាំងកាយជ្រែកដីហើយមើលទៅ។

ប្រជាពលរដ្ឋស្នើរសុំដល់លោក សន សារឿន អភិបាលនៃគណៈអភិបាលស្រុកថាឡាបរិវ៉ាត់ ឯកឧត្តម ស្វាយ សំអ៊ាង អភិបាលនៃគណៈអភិបាលខេត្តស្ទឹងត្រែង ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន មេត្តាចាត់វិធានការណ៍ក្តៅចំពោះបុគ្គលឈ្មោះ កៃ ឈ្មួញឈើដុះស្លែចាស់វស្សានិងប័ក្សពួកនេះផងទាន! ដើម្បីរក្សាការពារធនធានធម្មជាតិដែលជាសម្បត្តិរដ្ឋអោយបានគង់វង្សយូរអង្វែងតទៅ។

អង្គភាពសារព័ត៌មានយើងខ្ញុំផ្សាយរិះគន់ក្នុងន័យស្ថាបនា ជាកញ្ចក់ឆ្លុះបញ្ចាំងពីសង្គមពិត មិនមានចេតនាជាន់ពន្លិច ធ្វើអោយប៉ះពាល់ដល់កិត្តិយស អជ្ញាធរ សមត្ថកិច្ចរឺមន្ត្រីគ្រប់លំដាប់ថ្នាក់នោះឡើយ ។ អង្គភាពសារព័ត៌មានយើងខ្ញុំរងចាំការបកស្រាយបំភ្លឺពីសាមុីពាក់ព័ន្ធក្នុងម៉ោងធ្វើការ សូមអរគុណ៕

(សូមអានបន្ត)