ពិតជាល្បីដូចគេថាមែន! បទល្មើសព្រៃឈើនៅតែចរាចរណ៍បានយ៉ាងរលូនពីសំណាក់ក្រុមឈ្មួញ ដែលមានឥទ្ធិពលវ័យក្មេងក្នុងក្រុងក្រចេះ.....

 ផ្សាយចេញពីក្រុងសំពៅពូន ថ្ងៃ៣១ ០៨ ២០២៣

ក្រុងក្រចេះ ÷ បទល្មើសព្រៃឈើរបស់ក្រុមឈ្មួញជើងខ្លាំងវ័យក្មេងឈ្មោះ ឈុយ ហៅ (ក្អូន) នៅតែបន្តធ្វើសកម្មភាពដឹកជញ្ជួនផលអនុផលព្រៃឈើជារៀងរាល់ថ្ងៃតាមរយ:រថយន្តសាំងយ៉ុង ដោយពុំមានការទប់ស្កាត់និងបង្ក្រាបពីសំណាក់អាជ្ញាធរ កងកម្លាំងប្រដាប់អាវុធ គ្រប់លំដាប់ថ្នាក់ ពិសេសជំនាញផ្នែករដ្ឋបាលព្រៃឈើខេត្តក្រចេះនោះឡើយ ។

ជាក់ស្តែងនៅម៉ោង ២.១៦នាទី ទាបភ្លឺថ្ងៃទី ២៩ ខែសីហា ឆ្នាំ២០២៣ នៅចំណុច ភូមិកោះខ្ញែរ ភូមិខ្សាច់លាវ ឃុំអូរគ្រៀង ស្រុកសំបូរ ខេត្តក្រចេះ មានរថយន្តសាំយ៉ុងពណ៍សចំនួន០២ គ្រឿង ដែលពាក់ស្លាកលេខ ភ្នំពេញ 2AE 0303 និងមួយគ្រឿងទៀតពុំមានស្លាកលេខដែលគេស្គាល់ថាជារបស់លោក ឈុយ ហៅ (ក្អូន)បាននិងកំពុងធ្វើសកម្មភាពដឹកជញ្ជូនផលអនុផលព្រៃឈើចេញចំនុចទីតាំងភូមិសាស្ត្រខាងលើ ដោយកាត់តាមស្នាក់ការដែនជម្រកសត្វព្រៃ សំបូរ យកទៅលក់ចែកចាយនៅតាមខេត្តនានាបានយ៉ាងរលូន ។

បើទោះក្នុងពេលថ្មីៗនេះ ឯកឧត្តមនាយឧត្តមសេនីយ៍ សៅ សុខា អគ្គមេបញ្ជាការកងរាជអាវុធហត្ថលើផ្ទៃប្រទេស បានដាក់បទបញ្ជារដ៏មុឹងម៉ាត់ អោយបង្ក្រាបរាល់បទល្មើសព្រៃឈើយ៉ាងណាក្តី ក៏ឈ្មួញឈើរូបនេះនៅតែអាចចរាចរណ៍បានយ៉ាងអានាធិបតេយ្យដោយពុំទាក់ភ្នែកអស់លោក ជំនាញពាក់ព័ន្ធក្នុងខេត្តក្រចេះនោះឡើយ ហាក់បីដូចជាត្រូវថ្នាំសណ្តំដេកលក់អស់រលីង រឺក៏ឈ្មួញឈើ លោក ឈុយ ហៅ (ក្អូន) ចេះសិល្ប៍ ហោះលើអាកាស ជ្រែកដី បានជាមើលមិនឃើញពីសកម្មភាពទាំងនេះ ។

ប្រជាសហគមន៍សំណូមពរដល់ឯកឧត្តម វ៉ា ថន អភិបាលនៃគណៈអភិបាលខេត្តក្រចេះ មេត្តាចាត់កំលាំងក្រោមឪវាទទប់ស្កាត់ផងទាន ពិសេសឯកឧត្តមនាយឧត្ដមសេនីយ៍ សៅ សុខា អគ្គមេបញ្ជាការកងរាជអាវុធហត្ថលើផ្ទៃប្រទេស មេត្តាជួយត្រួតពិនិត្យលើលោក ឈុយ ហៅ(ក្អូន)ឈ្មួញឈើជើងខ្លាំងខាងបំផ្លាញសម្បត្តិធនធានធម្មជាតិនេះផងទាន៕ 

(សូមអានបន្ត)

តើព្រៃអង់តែននិងក្លាយទៅជាយ៉ាងណា បើមួយថ្ងៃៗកាប់និងដឹកជញ្ជួនដូចគេហែរកឋិនយ៉ាងនេះ ចំណែកមន្ត្រីជំនាញមិនទប់ស្កាត់និងបង្ក្រាបសោះ...

 ពិតជាគួរអោយសង្វេគ និងអាសូរក្រៃលែងព្រៃអង់តែនដែលជាសម្បត្តិធនធានធម្មជាតិរបស់រដ្ឋ ត្រូវបានកាប់បំផ្លាញយ៉ាងអនាធិបតេយ្យដោយសារតែ......

ខេត្តកំពង់ធំ ÷ អោយតែនិយាយពីព្រៃឈើ មហាជនទូរទាំងប្រទេស តែងតែស្គាល់ច្បាស់មិនថាចាស់ រឺក្មេងឡើយ ព្រៃអង់តែនដែលជាសម្បត្តិធនធានធម្មជាតិរបស់រដ្ឋ ដែលមានទីតាំងភូមិសាស្ត្រស្ថិតនៅក្នុងឃុំបឹងល្វា ស្រុកសន្ទុក ខេត្តកំពង់ធំ បច្ចុប្បន្ននេះបានប្រែរូបប្រែរាងថ្មីស្រឡាង និងបានប្រែឈ្មោះថ្មី ជាវាលអង់តែនទៅវិញ ។

មូលហេតុដោយសារតែ សព្វថ្ងៃនេះព្រៃនេះត្រូវបានរងនូវការកាប់បំផ្លាញពីក្រុមឈ្មួញដែលបានគៀងគរអោយប្រជាពលរដ្ឋចូលទៅកាប់ជញ្ជូនយកទៅលក់យ៉ាងអនាធិបតេយ្យ ដោយពុំដែលឃើញមានអជ្ញាធរ មន្ត្រីជំនាញពាក់ព័ន្ធ ពិសេសជំនាញរដ្ឋបាលព្រៃឈើ ដែលមានស្នាក់ការនៅក្បែរនោះធ្វើការទប់ស្កាត់រឺបង្ក្រាបនោះឡើយ ។

តាមសំដីអ្នកកាប់ទាំងនោះ បានរៀបរាប់ថាមុននិងគេអាចចូលមកកាប់ព្រៃអង់តែននេះមិនថា អុសច្នៃ អុសគីបនោះទេ បើមិនបង់លុយអោយអស់លោកជំនាញ ពួកគេក៏មិនអាចចូលមកកាប់និងធ្វើចរាចរណ៍នៅតាមដងផ្លូវបានឡើយ ដោយក្នុងមួយគោយន្តត្រូវបង់ បើអុសច្នៃពី ៣០០០០រៀល ទៅ ៥០០០០រៀល អុសគីបពី១០០០០រៀល ទៅ២០០០០រៀល មិនបង់គឺមិនបានជាដាច់ខាតហើយ។

គួរបញ្ជាក់ផងដែរថាទីតាំងដែលពួកអ្នកកាប់អុសខាងលើគឺនៅមិនឆ្ងាយពីស្នាក់ការ រដ្ឋបាលព្រៃឈើនោះទេ ហើយអ្វីដែលកត់សំគាល់នោះគឺមានស្នាក់ការដល់ទៅ០២ ថែមទៀតផង គឺស្នាក់ការអូរដៃជ្រៃ០១ ស្នាក់ការកំពប់អំបិល០១ ។

ប្រជាសហគមន៍ដែលស្រលាញ់ធនធានធម្មជាតិបានសំដែងនូវការសោកស្តាយជាពន់ពេក មិនគួរណាព្រៃអង់តែនដែលជាសម្បត្តិធនធានធម្មជាតិរបស់រដ្ឋ ត្រូវបានរលាយដោយសារតែមានការបើកដៃពីសំណាក់អស់លោកដែលបានដាក់ស្នាក់ដែលប្រមុខរាជរដ្ឋាភិបាលបានកំណត់អោយថែរក្សាការពារសម្បត្តិធម្មជាតិទាំងនោះអោយបានគង់វង្ស តែផ្ទុយទៅវិញបែរជាឃុបឃិតផ្សំគំនិតដាក់ស្នាក់ការដេកចាំយកលុយដាក់ចូលក្នុងហោប៉ៅទៅវិញ។

ប្រជាពលរដ្ឋនិងមហាជនសំណូមពរដល់ឯកឧត្តម ងួន រតនៈ អភិបាលនៃគណៈអភិបាលខេត្តកំពង់ធំ ពិសេសឯកឧត្តមបណ្ឌិតកិត្តិទេសាភិបាល ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា មេត្តាចាត់វិធានការណ៍ទប់ស្កាត់រាល់បទល្មើសខាងលើនេះផងទាន បើនៅតែបែបនេះ ព្រៃអង់តែននិងបាត់បង់ ក្លាយជាវាលអង់តែនយ៉ាងពិតប្រាកដជាក់ជាពុំខានឡើយ៕

(សូមអានបន្ត)

បទល្មើសនេសាទដោយប្រើឧបករណ៍ខុសច្បាប់កំពុងតែកើតឡើងយ៉ាងអនាធិបតេយ្យ ខណៈអាជ្ញាធរមន្ត្រីជំនាញពាក់ព័ន្ធ ពិសេសជំនាញជលផលបានត្រឹមឈរអោបដៃមើល...មិនទប់ស្កាត់និងបង្ក្រាបឡើយ..

 ផ្សាយចេញពីក្រុងសំពៅពូន ២៤,០៨,២០២៣

ខេត្តកណ្តាល ÷ មានសេចក្តីរាយការណ៍ថា បទល្មើសនេសាទដោយប្រើប្រាស់ឧបករណ៍ខុសច្បាប់ដាក់ សៃយើន ស្បៃមុងសាច់ខៀវ រាប់សិបម៉ែត នៅចំនុច២៤ ស្រុកកោះធំ ខេត្តកណ្តាល។

ប្រភពបានបង្ហើបថា ការដាក់និងប្រើប្រាស់ឧបករណ៍នេសាទខុសច្បាប់នៅចំនុចខាងលើនេះ ភាគច្រើនជាជនជាតិវៀតណាម មេឈ្មួញធំៗ ដែលគេមានលុយទើបអាចដាក់ឧបករណ៍នេសាទខុសច្បាប់នេះបាន ទោះបីជាក្នុងរដូវបិតនេសាទក៏ដោយ ។

ប្រភពដដែលបន្តថា សំរាប់ពួកគាត់ជាប្រជាពលរដ្ឋធម្មតាមិនហ៊ានប្រើប្រាស់ឧបករណ៍នេសាទខុសច្បាប់នោះទេ ព្រោះគ្មានលុយបង់អោយជំនាញ បានត្រឹមដាក់មង ចងសន្ទូច នាយអាយគ្រាន់បានតែម្ហូបតែប៉ុណ្ណោះ រីឯជំនាញវិញគាត់ថា ឃើញចុះមកតែញឹក តែមិនដែលអនុវត្តច្បាប់អីទេ មកហើយទៅវិញធម្មតា។

ដោយឡែកនៅថ្ងៃទី២៤ ខែសីហា ឆ្នាំ២០២៣ក្រុមការងារអ្នកសារព័ត៍មានបានទំនាក់ទំនងទៅលោក សៀង ម៉ាលី នាយផ្នែករដ្ឋបាលជលផលស្រុកកោះធំ បានមានប្រសាសន៍តាមរយះទូរស័ព្ទថា លោកពុំទាន់មានចំណាត់ការនៅឡើយទេ ដោយសារទឹកមិនទាន់ឡើង មួយវិញទៀតចាំដល់ពេលដែលលោកចុះ លោកនិងអោយក្រុមការងារអ្នកសារព័ត៌មានទៅជាមួយ ហើយចង់កាប់ចង់ចាំងអ្វីស្រេចតែចិត្តចុះ ។

ក្នុងនាមអ្នកសារព័ត៌មានឆ្ងល់ថា ហេតុអ្វីបានជាលោក សៀង ម៉ាលី នាយផ្នែករដ្ឋបាលជលផលស្រុកកោះធំមានប្រសាសន៍ថាអោយអ្នកសារព័ត៍មាន ទៅកាប់ទៅចាំង នូវឧបករណ៍នេសាទខុសច្បាប់ទៅវិញ?
ក្នុងនាមអ្នកសារព័ត៌មាន ចង់ជម្រាបជូន លោក សៀង ម៉ាលី ថា អ្នកសារព័ត៌មានគ្មានតួនាទីនិងភារកិច្ច ទៅទប់ស្កាត់ រឺបង្ក្រាបនុះទេ បានត្រឹមថតផ្តិតយករូបភាព រាយការណ៍ទៅជំនាញពាក់ព័ន្ធតែប៉ុណ្ណោះ ចង់លោក ទប់ស្កាត់រឺមិនទប់ស្កាត់វាជាំនាញរបស់លោក។

ប្រជានេសាទសំណូមពរដល់លោក ឆែ វណ្ណឌី អភិបាលស្រុកកោះធំ ពិសេសឯកឧត្តម គង់ សោភ័ណ្ឌ អភិបាលនៃគណៈអភិបាលខេត្តកណ្តាល មេត្តាមានវិធានការទប់ស្កាត់នូវរបរនេសាទខុសច្បាប់ខាងលើនេះផងទាន ដើម្បីអោយសម្បត្តិធនធានធម្មជាតិដែលជារបស់រដ្ឋ របស់រួមបានស្ថិតស្ថេរគង់វង្ស ណាមួយនាពេលបច្ចុប្បន្ននេះជារដូវត្រីពងកូនផងទាន៕

(សូមអានបន្ត)