កំពង់ស្ពឺ ៖ ស្ត្រីម្នាក់បានរងរបួសយ៉ាងធ្ងន់ ដោយសារបុរសជាប្តីជះកំហឹងកកាប់ប្រពន្ធ ចំនួន៤ពូថៅហើយរត់គេចខ្លួនបាត់។ក្រោយកើតហេតុ សាច់ញាតិបានបញ្ជូនស្ត្រីរងគ្រោះទៅសង្គ្រោះនៅមន្ទីរពេទ្យ ចំណែកបុរសជាប្តី ត្រូវសមត្ថកិច្ចកំពុងស្វែងរកចាប់ខ្លួនយកមកផ្តន្ទាទោសតាមច្បាប់។
ហេតុការណ៍ខាងលើនេះ បានកើតឡើងកាលពីវេលាម៉ោង១១និង៣០នាទីយប់ថ្ងៃទី២១ ខែសីហា ឆ្នាំ ២០២២ នៅភូមិព្រៃងោង ឃុំភារីមានជ័យ ស្រុកបរសេដ្ឋ ខេត្តកំពង់ស្ពឺ ។
បុរសជាប្តីមានឈ្មោះ សោម ផេន ភេទប្រុស អាយុ៦២ឆ្នាំ ចំណែកស្ត្រីជាប្រពន្ធមានឈ្មោះតង់ សុខ អាយុ៦៥ឆ្នាំសូមបញ្ជាក់ថាស្ត្រីរងគ្រោះខាងលើមានរបួសចំមាត់ខាងស្តាំ១និងមួយពូថៅទៀត ចំដៃខាងឆ្វេង២ពូថៅនិង ចំកខាងស្ដាំ១ពូថៅ ។ គ្រួសារនេះមានទីលំនៅក្នុងភូមិឃុំកើតហេតុខាងលើ ។
តាមប្រភពពីសមត្ថកិច្ចបានអោយដឹងថា នៅវេលាម៉ោងកើតហេតុខាងលើមានករណីប្រើអំពើហិ.ង្សាបង្កឡើងដោយបុរសជាប្តីបានធ្វើសកម្មភាពយកពូថៅកា.ប់ប្រហារទៅលើប្រពន្ធចំនួន៤ពូថៅ បណ្តាលអោយរងរបួសយ៉ាងធ្ងន់ធ្ងរ ខណ:កំពុងដេកនៅលើផ្ទះ។បន្ទាប់ពីបង្កហេតុរួច បុរសជាប្តីបានរត់គេចខ្លួនបាត់បន្សល់ទុកតែវត្ថុតាងនៅកន្លែងកើតហេតុ ។ រីឯស្ត្រីរងគ្រោះត្រូវបានសាច់ញាតិកូនចៅដឹកបញ្ជូនទៅធ្វើការសង្គ្រោះនៅមន្ទីរពេទ្យ។
ពាក់ព័ន្ធនឹងមូលហេតុ មិនទាន់ដឹងនៅឡើយទេ ព្រោះស្ត្រីរងគ្រោះមិនអាចនិយាយបាន ។
បច្ចុប្បន្ន សមត្ថកិច្ចកំពុងស្វែងរកជនដៃដល់ ដើម្បីឃាត់ខ្លួនយកមកប្រគល់អោយច្បាប់ចាត់ការតាមនីតិវិធី៕
0 Comments:
Post a Comment