ស្ទឹងត្រែង៖ រដ្ឋលេខាធិការក្រសួងមហាផ្ទៃ បានណែនាំដល់គណៈអភិបាលខេត្តដែលទើបតែចូលកាន់មុខតំណែងថ្មី ជាអភិបាលរងខេត្ត ត្រូវចេះរួមសាមគ្គីគ្នាធ្វើការងារ ដែលរាជរដ្ឋាភិបាលប្រគល់ជូនឲ្យបានល្អប្រសើរ ដើម្បីបម្រើផលប្រយោជន៍ជាតិ និងប្រជាជន។
ការថ្លែងបែបនេះរបស់ លោកអ៊ុត សំអន រដ្ឋលេខាធិការក្រសួងមហាផ្ទៃ ក្នុងពិធីប្រកាសចូលកាន់មុខតំណែងនៃអភិបាលរងខេត្តស្ទឹងចំនួន៦រូប នៅសាលប្រជុំ នារសៀលថ្ងៃទី២៤ ខែសីហា ឆ្នាំ២០២២នេះ ក្នុងគ្រាដែលលោកជាគណ:អធិបតី តំណាងសម្តេចក្រឡាហោម ស ខេង ឧបនាយរដ្ឋមន្ត្រី រដ្ឋមន្ត្រីក្រសួងមហាផ្ទៃ។
លោក អ៊ុត សំអន បានបន្តថា រាជរដ្ឋាភិបាលបានបង្កើនចំនួនគណ:អភិបាលខេត្ត ស្រុក ខណ្ឌ ដើម្បីជួយការងារក្នុងមូលដ្ឋានរបស់ខ្លួន ឲ្យមានប្រសិទ្ធភាពខ្ពស់ ថ្លឹងថ្លែងគ្រប់ជ្រុងជ្រោយ និងមានភាពល្អប្រសើរជាងមុន។
សូមជម្រាបថាអភិបាលរងខេត្តទាំង៦រូប ដែលត្រូវផ្ទេរភារកិច្ច និងតែងតាំងមុខតំណែងថ្មី រួមមាន លោក ធូ ចាន់ពៅ មន្ត្រីគ្រប់គ្រងរដ្ឋបាល ក្រសួងមុខងារសាធារណៈ មកជាអភិបាលរងខេត្ត ស្ទឹងត្រែង លោក គិត ទ្រី និងលោក យីម ដន ផ្លាស់ពីអភិបាលរងខេត្តរតនគិរី មកជាអភិបាលរងខេត្តស្ទឹងត្រែង លោក ប៉ែន លីណា ពីអភិបាលរងខេត្តក្រចេះ មកជាអភិបាលរងខេត្តស្ទឹងត្តែង លោក ចៅ មុន្នីរ៉ា ពីនាយករដ្ឋបាល ត្រូវបានតែងតាំងជាអភិបាលរងខេត្ត និងលោក ថោង ស្រ៊ាន់ ពីអភិបាលស្រុកសៀមបូក មកជាអភិបាលរងខេត្ត៕
0 Comments:
Post a Comment