បុរសម្នាក់សង្ស័យស្រវឹងស្រាបានវង្វេងដើរធ្លាក់ទឹកអូរបណ្តាលអោយលង់ស្លាប់ !

 

ខេត្តបាត់ដំបង៖ ថ្ងែទី២៥ ខែសីហា ឆ្នាំ២០២២មានបុរសម្នាក់ដែលគេស្គាល់ថាជាមនុស្សមានជម្ងឺស្កន់ជ្រូកហេីយផឹកស្រាជាប្រចាំសង្ស័យស្រវឹងខ្លាំងបានវង្វេងដើរធ្លាក់ចូលទឹកអូរបណ្តាលអោយលង់ស្លាប់យ៉ាងអាណោចអាធ័ម។

សមត្ថកិច្ចបានឱ្យដឹងថា បុរសដែលលង់ទឹកស្លាប់ខាងលើនេះបានកើតឡើងនៅវេលាម៉ោង០៨និង៥០នាទីត្រូវនឹងថ្ងៃទី២៤ខែសីហាឆ្នាំ២០២២ ស្ថិតនៅក្នុងអូរ ចំណុចក្រុមទី ០៦ ភូមិដំបូកខ្ពស់ ឃុំអូរដំបង២ ស្រុកសង្កែ ខេត្តបាត់ដំបង។ 

សាកសពជនរងគ្រោះមាន ឈ្មោះ ប៉ែត កឹង ភេទប្រុស អាយុ៤៨ឆ្នាំ មុខរបរនៅផ្ទះ រស់នៅក្នុងចំណុចក្រុមទី០៦ ភូមិដំបូកខ្ពស់ ឃុំអូរដំបង២ ស្រុកសង្កែ ខេត្តបាត់ដំបង ក្រោយកើតហេតុសមត្ថកិច្ចជំនាញបានចុះទៅធ្វើកោសល្យវិច័យនិងប្រគល់សពអោយខាងសាច់ញាតិដើម្បីរៀបចំធ្វើបុណ្យតាមប្រពៃណី។ព័ត៌មានបឋម