ខេត្តកណ្តាល ÷ ទីតាំងជល់មាន់តាមប្រព័ន្ធអនឡាញមួយកន្លែង ចាប់ផ្តើមបើកដំណើរការលេងឡើងវិញហើយ បន្ទាប់ពីបានបិទមួយរយៈ បន្ទាប់ពីប្រមុខរាជរដ្ឋាភិបាលប្រកាសអោយបិទ រាល់ល្បែងស៊ីសងទាំងអស់ក្នុងព្រះរាជាណាចក្រកម្ពុជា ដែលទីតាំងនេះដែរស្ថិតនៅហាងកាហ្វេរមួយកន្លែងបណ្តោយផ្លូវជាតិលេខ០៦ ចំណុចគល់ស្ពានលេខ១៦ ភូមិសាមគ្គី ឃុំព្រែកដំបង ស្រុកមុខកំពូល ខេត្តកណ្តាល។
តាមប្រភពបានប្រាប់ថាទីតាំងខាងលើនេះបានលបលួចបើកដំណើរការលេង ដោយដាក់តាម (លេបថប) ជារៀងរាល់ថ្ងៃ បើទោះបីជាប្រមុខរាជរដ្ឋាភិបាល ពិសេសសម្តេច មហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអោយអភិបាលខេត្តក្រុងទូទាំងរាជធានីខេត្ត ធ្វើការបិទរាល់ល្បែងស៊ីសងតាមអនឡាញគ្រប់ប្រភេទ កាលពីថ្ងៃទី១៨ ខែកុម្ភៈ ឆ្នាំ២០២៤ កន្លងមកថ្មីៗយ៉ាងណាក្តី ក៏ទីតាំងខាងលើនៅតែបន្តបើកលេងយ៉ាងគគ្លើន គ្មានញញើតនិងច្បាប់បន្តិចសោះ។
ទោះជាយ៉ាងណាប្រជាពលរដ្ឋសំណូមពរដល់លោកវីរៈសេនីយ៍ឯក ឯក លន់ អធិការដ្ឋាននគរបាលស្រុកមុខកំពូល មេត្តាចាត់កំលាំងក្រោមឱវាទចុះត្រួតពិនិត្យទីតាំងល្បែងសុីសងតាមអនឡាញខាងលើនេះផងទាន
ដើម្បីរក្សាបាននូវសេចក្ដីសុខ សុវត្ថិភាពជូនដល់ប្រជាពលរដ្ឋ និងដើម្បីភូមិ ឃុំមានសុវត្ថិភាពទាំង០៧ចំនុច តាមគោលនយោបាយរបស់រាជរដ្ឋាភិបាលកម្ពុជា សូមអរគុណ៕
0 Comments:
Post a Comment