កម្លាំងសង្កាត់រដ្ឋបាលជលផលសហការជាមួយកម្លាំងទីបញ្ជារការស្រាលស្រុកតាំងគោកបានចុះបង្ក្រាបបទល្មើសនេសាទរបាំងស្បៃមុង សាច់ខៀវនារដូវបិទយ៉ាងសកម្ម...

ផ្សាយចេញពីក្រុងសំពៅពូនថ្ងៃទី ០៦,០៩,២០២៤

ខេត្តកំពង់ធំ ÷ នៅព្រឹកថ្ងៃទី០៦ ខែកញ្ញា ឆ្នាំ២០២៤ ដែលបានយកចិត្តទុកដាក់និងបញ្ជារផ្ទាល់ពីលោក ហាក់ ម៉ុងហួត អភិបាលស្រុកតាំងគោក ដឹកនាំដោយលោក កែវ សុខខឿន នាយសង្កាត់រដ្ឋបាលជលផលតាំងគោក សហការជាមួយលោក ម៉ន ទីម ប្រធានទីបញ្ជាការស្រាលស្រុកតាំងគោក រួមទាំងកម្លាំងចម្រុះ បង្ក្រាបបានរបាំងស្បៃមុង សាច់ខៀវ នៅចំណុចភូមិគោកត្របែក ឃុំស្រឡៅ ស្រុកតាំងគោក ខេត្តកំពង់ធំ។

ជាលទ្ធផលទទួលបាន រុះរើកាប់កំទិចចោលរបាំងចំនួន ០៣កន្លែង ប្រវែង៤០០ ម៉ែត្រ លបលូចំនួន ៤មាត់ ប្រលែងកូនកូនត្រីល្អិតប្រមាណ១៥០គីឡូក្រាម ។

លោក កែវ សុខខឿន នាយសង្កាត់ជលផលស្រុកតាំងគោកបានបញ្ជាក់ផងដែរ លោក ហាក់ ម៉ុងហួត អភិបាលនៃគណៈអភិបាលស្រុកតាំងគោក និងជាគណៈបញ្ជាការឯកភាពស្រុក រួមទាំងអាជ្ញាធរ មន្ត្រីជំនាញពាក់ព័ន្ធនៅក្នុងស្រុក តែងតែយកចិត្តទុកដាក់ ចាត់កម្លាំងចុះតាមមូលដ្ឋាន ធ្វើការណែនាំនិងបានហាមឃាត់រាល់បទល្មើសនេសាទដោយប្រើឧបករណ៍ខុសច្បាប់ក្នុងរដូវបិទនេសាទ ដើម្បីចូលរួមថែរក្សារការពារធនធានធម្មជាតិ ពិសេស មច្ឆាជាតិដែលរស់នៅក្នុងទឹក ព្រោះថារដូវនេះត្រីពងកូន៕