ផ្សាយចេញថ្ងៃទី១៥ ខែកក្កដា ឆ្នាំ២០២៣
ខេត្តកំពង់ចាម ÷ មានសេចក្តីរាយការណ៍មកថា មានដេប៉ូស្តុកអុសធនធាធម្មជាតិប្រភេទម៉ែត្រគីប ជាច្រើនកន្លែងដែលស្ថិតនៅចំនុចភូមិថ្នល់កែងជើង ឃុំស្វាយទាប ស្រុកចំការលើ ខេត្តកំពង់ចាម បាននិងកំពុងតែប្រមែលប្រមូលទិញនូវអុសធនធាធម្មជាតិចេញពីខេត្តនានាជារៀងរាល់ថ្ងៃពិសេសខេត្តកំពង់ធំតែម្តង។
ជាក់ស្តែងនៅថ្ងៃទី១៥ ខែកក្កដា ឆ្នាំ២០២៣ មានសកម្មភាពដឹកជញ្ជូនផលអនុផលធនធានធម្មជាតិ អុសម៉ែតគីតាមរយៈគោយន្តកន្ត្រៃរាប់សិបគ្រឿង បានដឹកជញ្ជួនចេញពីឃុំបឹងល្វា ស្រុកសន្ទុក ខេត្តកំពង់ធំ កាត់តាមក្រវា បាក់ស្នា ផ្លូវ១០២ ឆ្ពោះមកកាន់ទីតាំងដេប៉ូខាងលើដើម្បីលក់យ៉ាងអនាធិបតេយ្យ ដោយពុំឃើញមានមន្ត្រីជំនាញពាក់ព័ន្ធធ្វើការទប់ស្កាត់រឺបង្ក្រាបឡើយ។
មហាជនគ្រប់មជ្ឈដ្ឋានមានចំងល់ថា តើការប្រមូលទិញនិងស្តុកទុកនូវអុសធនធានធម្មជាតិរបស់ដេប៉ូខាងលើនេះ ខុសច្បាប់ដែររឺទេ?
បន្ទាប់ពីបានប្រមូលទិញនិងស្តុកទុក គេសង្កេតឃើញមានឡានយីឌិនជាច្រើនគ្រឿងបានរងចាំដឹកជញ្ជូនយកទៅលក់បន្តតាមបណ្តាខេត្តនានាទូទាំងប្រទេសបានយ៉ាងរលូន។
ប្រជាពលរដ្ឋទទូចស្នើសុំដល់ លោក សំ ពិសិដ្ឋ អភិបាលនៃគណៈអភិបាលស្រុកចំការលើ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាមមេត្តាត្រួតពិនិត្យចំពោះទីតាំងដេប៉ូអុសធនធាធម្មជាតិខាងលើនេះផងទាន៕
អង្គភាពសារព័ត៌មានយើងខ្ញុំរងចាំការបកស្រាយបំភ្លឺពីគ្រប់ស្ថាប័ន ពាក់ព័ន្ធ ក្នុងម៉ោងធ្វើការតាមរបបអ្នកសារព័ត៌មាន សូមអរគុណ។
0 Comments:
Post a Comment