លោក ច្រឹក ស្រ៊ង អភិបាលរងស្រុកកោះធំ និងលោក ជួប វុទ្ធា អភិបាលរងស្រុកកោះធំ តំណាងលោកអភិបាល បានអញ្ជើញដឹកនាំមន្រ្តីរដ្ឋបាលស្រុក ចុះពិនិត្យទីតាំងរៀបចំតម្លើងរោងទីបញ្ជាការស្រាល...ក្នុងវត្តភក្តីសិរីដុះ

ផ្សាយចេញពីក្រុងសំពៅពូន ថ្ងៃទី១១ ខែមេសា ឆ្នាំ២០២៤

នាព្រឹកថ្ងៃព្រហស្បតិ៍ ៣កើត ខែចេត្រ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១១ ខែមេសា ឆ្នាំ២០២៤ លោក ច្រឹក ស្រ៊ង អភិបាលរងស្រុកកោះធំ និងលោក ជួប វុទ្ធា អភិបាលរងស្រុកកោះធំ តំណាងលោកអភិបាល បានអញ្ជើញដឹកនាំមន្រ្តីរដ្ឋបាលស្រុក ចុះពិនិត្យទីតាំងរៀបចំតម្លើងរោងទីបញ្ជាការស្រាល សម្រាប់កម្លាំងគណ:បញ្ជាការឯកភាពរដ្ឋបាលស្រុកប្រចាំបញ្ជា ដើម្បីការពារសន្តិសុខ សណ្តាប់ធ្នាប់ និងរបៀបរៀបរយក្នុងកម្មវិធីសង្រ្កាន្តអបអរសាទរឆ្នាំថ្មី ឆ្នាំរោង ឆស័ក ព.ស.២៥៦៨ ចាប់ពីថ្ងៃទី១៣-១៦ ខែមេសា ឆ្នាំ២០២៤ នៅក្នុងបរិវេណវត្តភក្តីសិរីដុះ ស្ថិតក្នុងភូមិកំពង់ស្វាយកណ្តាល ឃុំព្រែកថ្មី ស្រុកកោះធំ ខេត្តកណ្តាល។