រថយន្តដឹកឈើប្រណិតអស់លក្ខណ៍ត្រូវមន្ត្រីជំនាញរដ្ឋបាលព្រៃឈើទំរីងសហការណ៍ជាមួយកំលាំងសមត្ថកិច្ចចុះបង្ក្រាបផ្អើលទាំងយប់....

 រថយន្តដឹកឈើប្រណិតអស់លក្ខណ៍ត្រូវមន្ត្រីជំនាញរដ្ឋបាលព្រៃឈើទំរីងសហការណ៍ជាមួយកំលាំងសមត្ថកិច្ចចុះបង្ក្រាបផ្អើលទាំងយប់....

កំពង់ធំ ÷ នាវេលាម៉ោង៨.៣៥នាទីយប់ ថ្ងៃទី១៩ ខែមិថុនា កំលាំងជំនាញរដ្ឋបាលព្រៃឈើទំរីង ដឹកនាំដោយលោក ឃិន វណ្ណះ សហការណ៍ ជាមួយ កម្លាំងសង្កាត់រដ្ឋបាលព្រៃឈើទំរីង  បានស្ទាក់ចាប់បានរថយន្ត ម៉ាក ហាយលែនឌ័រ មួយគ្រឿង ពណ៍ទឹកប្រាក់ ពាក់ស្លាកលេខ ភ្នំពេញ 2A 7347  ដឹកជញ្ជូនឈើប្រភេទលេខ ១សុក្រំ នៅចំណុច ភូមិរន្ទះ ឃុំទំរីង  ស្រុកសណ្តាន់  ខេត្តកំពង់ធំ ។

តាមសេចក្តីរាយការណ៍ បានអោយដឹងថា  រថយន្តនេះបានដឹកឈើចេញពីតំបន់ស្មងអន អូរផ្អាវ  ឃុំសុចិត្រ ស្រុកសណ្តាន់ ខេត្តកំពង់ធំ  លុះមកដល់ចំណុច  ភូមិរន្ទះ ឃុំទំរីង ត្រូវកម្លាំងសមត្ថកិច្ច ផ្នែករដ្ឋបាលព្រៃឈើទំរីងធ្វើការស្ទាក់ចាប់ ឃើញដូច្នេះ តៃកុងរថយន្តដឹកជញ្ជួនឈើនោះ  បើកទ្វារឡាន  រូចដាក់
មេប្រូចបាត់ស្រមោលតែម្តង ។

វត្ថុតាងខាងលើជំនាញរដ្ឋបាលព្រៃឈើបានយកមករក្សាទុកនៅផ្នែករដ្ឋបាលព្រៃឈើទំរីង ដើម្បីកសាងសំណុំរឿងបញ្ជូនទៅតុលាការដើម្បីចាត់វិធានការតាមផ្លូវច្បាប់៕