-->
ផ្សាយពាណិជ្ជកម្ម
សូមស្វាគមន៍ គេហទំព័រ ព័ត៌មាន សង្គមបច្ចុប្បន្ន មានទទួលសេវាកម្ម ផ្សាយពាណិជ្ជកម្មគ្រប់ប្រភេទ / លោក ញឹម សនសុីដា ចាងហ្វាងការផ្សាយ: ទីស្នាក់ការកណ្តាល ៖ ភូមិត្រើយកោះ ឃុំឈើខ្មៅ ស្រុកកោះធំ ខេត្តកណ្តាល​ / ទំនាក់ទំនង Tele : 093801666 / 077967444 / 066900079 ..
www.sangkombachchoban.com / មានទទួលសេវាកម្ម ផ្សាយពាណិជ្ជកម្មគ្រប់ប្រភេទ / លោក ញឹម សនសុីដា ចាងហ្វាងការផ្សាយ: ទីស្នាក់ការកណ្តាល ៖ ភូមិត្រើយកោះ ឃុំឈើខ្មៅ ស្រុកកោះធំ ខេត្តកណ្តាល​ / ទំនាក់ទំនង Tele : 093801666 / 077967444 / 066900079..

Tuesday, July 16, 2024

នាយខណ្ឌរដ្ឋបាលជលផលកណ្តាល ឃាត់ខ្លួនជនសង្ស័យម្នាក់ដែលលួចផលិតឧបករណ៍នេសាទខុសច្បាប់ នៅស្រុកខ្សាច់កណ្ដាល ខេត្តកណ្ដាល

ចំនួនអ្នកទស្សនា: Views

ផ្សាយចេញពីក្រុងសំពៅពូន ១៦ កក្កដា ២០២៤


ខេត្តកណ្ដាល៖ ខណ្ឌរដ្ឋបាលជលផលខេត្តកណ្តាល នៅព្រឹកថ្ងៃទី១៥ ខែកក្កដា ឆ្នាំ២០២៤នេះ បានសហការ ជាមួយអាជ្ញាធរមូលដ្ឋាន និងព្រះរាជអាជ្ញារងខេត្តកណ្តាល ចុះត្រួតពិនិត្យ និងឆែកឆេរទីតាំងលួចផលិតឧបករណ៍នេសាទខុសច្បាប់(អំភ្លីឆក់ត្រី)មួយកន្លែងស្ថិតនៅភូមិទ្រាំងលើ ឃុំតាឯក ស្រុកខ្សាច់កណ្តាល ខេត្តកណ្តាល ដោយធ្វើការឃាត់ខ្លួនជនសង្ស័យម្នាក់ និងឧបករណ៍នេសាទខុសច្បាប់មួយចំនួន។ 


លោក ហេង សុភារិទ្ធ នាយខណ្ឌរដ្ឋបាលជលផលកណ្តាល បានបញ្ជាក់ថា៖ ប្រតិបត្តិការរហូតឈានដល់ឃាត់ខ្លួនជនសង្ស័យម្នាក់ដែលជាអ្នកផលិត និង ចែកចាយនូវឧបករណ៍នេសាទខុសច្បាប់នេះ  គឺបានធ្វើឡើងបន្ទាប់ពីមានបទបញ្ជារបស់ឯកឧត្ដម គួច ចំរើន អភិបាល នៃគណៈអភិបាលខេត្តកណ្តាល ក្រោយពីជនសង្ស័យបានបង្ហោះលើបណ្តាញសង្គម តិកតុកដាក់លក់ នូវឧបករណ៍ខុសច្បាប់ទាំងនេះជាសាធារណៈ ខណៈករណីនេះជនសង្ស័យបានសារភាពថាគេពិតជាបានលួចផលិតមែន និងបានចែកចាយលក់នៅតាមបណ្តាខេត្តមួយចំនួនផងដែរ។

  

បើតាមលោក ហេង សុភារិទ្ធ បានឲ្យដឹងផងដែរ ក្រោយធ្វើការឃាត់ខ្លួន និងរឹបអូសនូវវត្ថុតាងជនសង្ស័យត្រូវបានរៀបចំសំណុំរឿងបញ្ជូនទៅកាន់តុលាការចាត់ការទៅតាមនីតិវិធីច្បាប់ផងដែរ ខណៈករណីនេះជាបទល្មើសនេសាទ ដោយមិនអាចអនុគ្រោះបានឡើយ ដោយសារតែជនសង្ស័យរូបនេះបានលួចផលិតនូវឧបករណ៍ខុសច្បាប់នេះយូរមកហើយនោះ។ 


ជាមួយគ្នានោះដែរ លោក ហេង សុភារិទ្ធ ក៏បានធ្វើការអំពាវនាវដល់បងប្អូនប្រជាពលរដ្ឋទាំងអស់ គប្បីត្រូវធ្វើការសហការជាមួយអាជ្ញាធរ ឬរដ្ឋបាលជលផលដើម្បីធ្វើយ៉ាងណាលុបបំបាត់បទល្មើសនេសាទ ខុសច្បាប់នៅតាមភូមិ និងសហគមន៍របស់បងប្អូនផងដែរ ហើយប្រសិនបើប្រពលរដ្ឋណាដែលបាននេ សាទ ឬលួចផលិតឧបករណ៍នេសាទខុសច្បាប់នឹងចាត់វិធានការភ្លាមៗដោយគ្មានការលើកលែងនោះឡើយ៕















Sunday, July 14, 2024

អាជ្ញាធរខេត្តកំពង់ធំ ហាមដាច់ខាតចំពោះជនខិលខូចណា ដែលមករុករានទន្ទ្រានរំលោភយកដីរដ្ឋនៅតំបន់៣ ក្នុងភូមិសាស្ត្រខេត្តកំពង់ធំ...

ចំនួនអ្នកទស្សនា: Views

ផ្សាយចេញពីក្រុងសំពៅពូន ១៤, ០៧, ២០២៤


ខេត្តកំពង់ធំ ៖ នៅក្នុងឱកាសអញ្ជើញចុះត្រួតពិនិត្យដីតំបន់បី នៅក្នុងស្រុកកំពង់ស្វាយ នាព្រឹកថ្ងៃទី១៤ ខែកក្កដា ឆ្នាំ២០២៤ ឯកឧត្តម នួន ផារ័ត្ន អភិបាលខេត្តកំពង់ធំ ហាមដាច់ខាតចំពោះជនខិលខូចណា ដែលមករុករានទន្ទ្រានរំលោភយកដីរដ្ឋនៅតំបន់៣ ក្នុងភូមិសាស្ត្រខេត្តកំពង់ធំ មកធ្វើជាកម្មសិទ្ធិរបស់ខ្លួន ព្រមទាំងអំពាវនាវប្រជាពលរដ្ឋ ត្រូវហ៊ានរាយការណ៍ ចំពោះជនណាមកទន្ទ្រានដីតំបន់៣ ដែលបានកាត់ឆ្វៀលរួច។


ថ្លែងនៅចំពោះមុខប្រជាពលរដ្ឋ និងអាជ្ញាធរពាក់ព័ន្ធ ឯកឧត្តម នួន ផារ័ត្ន បានណែនាំដល់កងកម្លាំងមានសមត្ថកិច្ច និងអាជ្ញាធរមូលដ្ឋាន បន្តចុះរឹតបណ្តឹងទប់ស្កាត់ ការចូលទៅអាស្រ័យផលដីតំបន់៣ ក្រៅពីដីតំបន់ឆ្វៀល ក្នុងភូមិសាស្ត្រខេត្តកំពង់ធំ ឲ្យមានប្រសិទ្ធភាព។


ឆ្លៀតក្នុងឱកាសនៃការចុះត្រួតពិនិត្យនេះ ឯកឧត្តមអភិបាលខេត្តកំពង់ធំបានចុះសាកសួរសុខទុក្ខ និងឧបត្ថម្ភជាសម្ភារៈ និងថវិកាមួយចំនួន ដល់កងកម្លាំងដែលប្រចាំនៅគណៈបញ្ជាការស្រាលផងដែរ។


សូមបញ្ជាក់ផងដែរថាៈ ប្រតិបត្តិការចុះត្រួតពិនិត្យទីតាំងដីតំបន់បីនេះ ស្ថិតនៅតំបន់ (ខ្វាក់ទោច ខ្វាក់ធំ) នៅឃុំកំពង់គោ ស្រុកកំពង់ស្វាយ ខេត្តកំពង់ធំ ដោយសារតែបច្ចុប្បន្ននេះ ជនខិលខូចកំពុងតែរំលោភបំពានយកដីធ្វើស្រែប្រាំង៕










ល្បែងសុីសងផ្សងសំណាងប្រភេទយោគី តាមអនឡាញ ក្នុងភូមិសំរោង សង្កាត់ផ្សារឆ្នាំង កំពុងតែបើកលេងយ៉ាងអនាធិបតេយ្យ!ដោយឡែកសមត្ថកិច្ចក្នុងមូលដ្ឋានមិនទប់ស្កាត់ និងបង្ក្រាប!

ចំនួនអ្នកទស្សនា: Views
ផ្សាយចេញពីក្រុងសំពៅពូន ១៤,កក្កដា,២០២៤

ខេត្តកំពង់ឆ្នាំង ÷ ប្រិយមិត្តជាទីរាប់អាន ល្បែងស៊ីសងមានជល់តាមប្រព័ន្ធអនឡាញគ្រប់ប្រភេទ ត្រូវបានបិទមួយរយៈពេលខ្លី បន្ទាប់ពីមានបទបញ្ជារដ៏មុឹងម៉ាត់របស់ប្រមុខរាជរដ្ឋាភិបាល ពិសេសសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអោយអភិបាលរាជធានី ខេត្ត ក្រុង ទូទាំងប្រទេសបិទឲ្យអស់រាល់ល្បែងសុីសងគ្រប់ប្រភេទ ដែលមានក្នុងដែនសមត្ថកិច្ចរបស់ខ្លួន កាលពីថ្ងៃទី១៨ ខែកុម្ភៈ ឆ្នាំ២០២៤ កន្លងទៅថ្មីៗនេះ។

សម្ដេច នាយករដ្ឋមន្ត្រី បានមានប្រសាសន៍បន្តថា ពេលនេះមិនមែនជាពេលដែលពង្រាយ រាល់ល្បែងសុីសងនោះទេ ព្រោះថាល្បែងស៊ីសងទាំងនេះមិនមែនជាកំណើនសេដ្ឋកិច្ចរបស់ជាតិនោះឡើយ...។

ប៉ុន្តែបើទោះបីជាម្រមុខរាជរដ្ឋាភិបាលបានមានប្រសាសន៍និងមានបទបញ្ជារយ៉ាងនេះក្តី យើងសង្កេតឃើញថា ល្បែងស៊ីសងទាំងនោះ ពិសេសល្បែងសុីសងប្រភេទ ឡូតូ យោគីតាមប្រព័ន្ធអនឡាញ នៅតែបន្តបើកលេងយ៉ាងគគ្លើន  នៅក្នុងភូមិសំរោង សង្កាត់ផ្សារឆ្នាំង ក្រុងកំពង់ឆ្នាំង ខេត្តកំពង់ឆ្នាំង កំពុងតែដំណើរការលេងបានយ៉ាងរលូន ដោយមិនដឹងថាសមត្ថកិច្ចក្នុងមូលដ្ឋានបានដឹងរឺពុំដឹងនោះឡើយ។

ជាក់ស្តែងនៅព្រឹកថ្ងៃទី១៤ ខែកក្កដា ឆ្នាំ២០២៤ នេះគេប្រទះឃើញ ផ្ទះលក់ចាប់ហួយមួយ ស្ថិតនៅក្នុងភូមិសំរោង សង្កាត់ផ្សារឆ្នាំង បានដាក់កញ្ចក់ទូរទស្សន៍ បើកល្បែងសុីសង យ៉ាងរំភើយ ដោយទីតាំងនេះនៅមិនឆ្ងាយពីសាលាសង្កាត់ប៉ុន្មានឡើយ ហេតុអ្វីបានជាអាជ្ញាធរមានសមត្ថកិច្ច បណ្តែតបណ្តោយអោយមានបទល្មើសល្បែងសុីសងនៅក្នុងមូលដ្ឋានគ្រប់គ្រងរបស់ខ្លួនទៅវិញ? រឺមួយក៏មិនបានដឹង។

អង្គភាពយើងមិនអាចសុំការបំភ្លឺពីលោក ជីវ ចាន់លី នាយប៉ុស្តិ៍សង្កាត់ផ្សារឆ្នាំង បាននោះទេ ដោយពុំមានលេខទូរស័ព្ទ។

- តើភូមិ ឃុំ មានសុវត្ថិភាពយ៉ាងដូចម្តេចទៅ បើល្បែងសុីសងគគ្រឹកគគ្រេងម្លុឹងៗ?

ទោះជាយ៉ាងនេះក្តីប្រជាពលរដ្ឋក្នុងមូលសំណូមពរទៅដល់ លោកវីរៈសេនីយ៍ឯក ឆាយ ខេមរត្ន័ អធិការក្រុងកំពង់ឆ្នាំង មេត្តាទាន មានវិធានការណ៍ចាត់កម្លាំងក្រោមឱវាទ ដើម្បីធ្វើការទប់ស្កាត់ និងបង្ក្រាបរាល់ល្បែងសុីសងនៅចំណុចខាងលើផងទាន! ដើម្បីរក្សាបាននៅគោលនយោបាយ ភូមិ ឃុំ មានសុវត្ថិភាព បញ្ជៀសនូវ អំពើចោរកម្មផ្សេងៗ ដូចជា លួច ឆក់ និងអំពើហឹង្សាក្នុងគ្រួសារដោយសារតែល្បែងសុីសង ជាដើម។ល។ 

ទោះជាយ៉ាងណា អង្គភាពសារព័ត៌យើងរងចាំបំភ្លឺពីគ្រប់គ្រប់ស្ថាប័នពាក់ព័ន្ធ ក្នុងម៉ោងធ្វើការ ស្របតាមច្បាប់ស្តីពីសារព័ត៌មានក្នុងព្រះរាជាណាចក្រកម្ពុជា សូមអរគុណ៕




Friday, July 12, 2024

ឯកឧត្តម សាន់ យូ អភិបាលរងខេត្តកំពង់ឆ្នាំង បានដឹកនាំក្រុមការងារ ដាំដើមឈើព្រៃលិចទឹក ចំនួន ២០០០ដើម (ប្រភេទដើមរាំង ) ចំណុចបឹងរូង  ស្តីគងតូច ភូមិក្បាលកន្លង់ ភូមពាមឆ្កោកឃុំពាមឆ្កោក ស្រុកជលគិរី

ចំនួនអ្នកទស្សនា: Views

ផ្សាយចេញពីក្រុងសំពៅពូន ១២,០៧,២០២៤


ខេត្តកំពង់ឆ្នាំង : នៅព្រឹកថ្ងៃទី ១២ ខែកក្កដា ឆ្នាំ ២០២៤ ឯកឧត្តម សាន់ យូ អភិបាលរងខេត្តនិងជាតំណាងដ៏ខ្ពង់ខ្ពស់ឯកឧត្តម ស៊ុន សុវណ្ណារិទ្ធ អភិបាលនៃគណៈអភិបាលខេត្តកំពង់ឆ្នាំង បានដឹកនាំក្រុមការងារ ដាំកូនឈើព្រៃលិចទឹក ២០០០ ដើម(ប្រភេទដើមរាំង) លើ ដីតំបន់៣ ចំណុចបឹងរូង  ស្តីគងតូច ភូមិក្បាលកន្លង់ ភូមិពាមឆ្កោក ឃុំពាមឆ្កោក ស្រុកជលគិរី ខេត្តកំពង់ឆ្នាំង ។


 ដោយមានការចូលរួមពីសំណាក់ លោក ដូវ គឹស៉ីន អភិបាលស្រុកជល់គិរី លោក លី ឡា នាយខណ្ឌរដ្ឋបាលជលផលខេត្តកំពង់ឆ្នាំង មន្ត្រីមន្ទីរកសិកម្ម អាជ្ញាធរស្រុក កងកម្លាំង ប្រជាការពារ សិស្សានុសិស្ស ប្រជាពលរដ្ឋ ចំនួន ៣០០នាក់ ។


លោក សាន់ យូ អភិបាលរងបានថ្លែងថា  ព្រៃលិចទឹកមានសារៈសំខាន់ខ្លាំងណាស់ គឺជាជម្រកត្រីពងកូន ជាប្រភពចំណី និងជម្រករបស់ត្រី វាជាជម្រកសត្វស្លាប សត្វល្មូន និងសត្វច្រើនប្រភេទទៀត ព្រៃលិចទឹកក៏ជាប្រភពចំណូលសម្រាប់បងប្អូនប្រជាពលរដ្ឋក្នុងតំបន់ ព្រោះថាបើមានព្រៃលិចទឹក ប្រជាកសិករ ក៍អាចនេសាទត្រីបានច្រើនដែរ ព្រោះបើបាត់បង់ព្រៃលិចទឹកក៏ដូចបាត់បង់មច្ឆាជាតិយ៉ាងនោះដែរ។


ព្រៃលិចទឹក ក៏ជាតំបន់ទេសចរណ៍ របស់សហគមន៍មូលដ្ឋាន  ប្រសិនបើយើងរៀបចំឲ្យបានត្រឹម វាក៍ជារបាំងរាំងខ្ទប់ខ្យល់  និងធ្វើឲ្យទឹកថ្លា មិនរីងរាក់ទៀតផង ក្រៅពីនោះវានូវបាន ផ្តល់អ៊ុកស៊ីសែន ដល់មនុស្សរស់នៅ និងជាថ្នាំបុរាណសម្រាប់ព្យាបាលផងដែរ៕






















Wednesday, July 10, 2024

លោក កិក ហៃ ប្រធានសហគមន៍នេសាទស្វាយអំពារសែនជ័យ បានដឹកនាំកម្លាំងចុះបង្ក្រាបបទល្មើសនេសាទ របាំងស្បៃមុង នៅស្រុកកំពង់លែង....

ចំនួនអ្នកទស្សនា: Views

ផ្សាយចេញពីក្រុងសំពៅពូន ១០,០៧,២០២៤


ខេត្តកំពង់ឆ្នាំង នៅរសៀលថ្ងៃទី១០ ខែកក្កដា ឆ្នាំ២០២៤ ដោយទទួលបានសេចក្តីរាយការណ៍ពីប្រជានេសាទ ថាមានការដាក់របាំងស្បៃមុង (សាច់ខៀវ) នៅចំណុចព្រែកសណ្តែក ជើងគ្រួស ឃុំស្វាយអំពារ ស្រុកកំពង់លែង ខេត្តកំពង់ឆ្នាំង ដោយមានការចង្អុលបង្ហាញលោក លី ឡា នាយខណ្ឌរដ្ឋបាលជលផលខេត្តកំពង់ឆ្នាំង ដឹកនាំកម្លាំងដោយលោក កិក ហៃ ប្រធានសហគមន៍នេសាទស្វាយអំពារសែនជ័យ បានចុះរុះរើនិងបំផ្លាញ របាំងស្បៃមុង សាច់ខៀវ ប្រវែង១០០ម និងដោះលែងកូនត្រី ដែលជនល្មើសបានលបលួចដាក់នៅក្នុងរដូវហាមឃាត់។


នេះមិនមែនជាលើកទីមួយនោះទេ ដែលលោក លី ឡា នាយខណ្ឌរដ្ឋបាលជលផលខេត្តកំពង់ឆ្នាំង និងកម្លាំងក្រោមឱវាទតែងតែធ្វើការទប់ស្កាត់ និងបង្ក្រាបរាល់បទល្មើសនេសាទខុសច្បាប់ ដែលជនល្មើសតែតែលបលួច ធ្វើសកម្មភាពនេសាទដោយប្រើឧបករណ៍ខុសច្បាប់ ក្នុងរដូវហាមឃាត់នេះ។


ជាចុងក្រោយលោកនាយខណ្ឌ បានសំណូមពរដល់ប្រជាពលរដ្ឋដែលរស់នៅតាមដងទន្លេសាបទាំងអស់ មេត្តាចូលរួមថែរក្សាការពារធនធានធម្មជាតិដែលរស់នៅក្នុងទឹក ដែលនៅសេសសល់អោយបានគង់វង្ស ព្រោះរដូវនេះជារដូវត្រីពងកូន កុំប្រកបរបរនេសាទដោយប្រើឧបករណ៍ខុសច្បាប់ ៕










Share This
Author Image

About