ផ្សារចេញពីក្រុងសំពៅពូន ថ្ងៃទី០៥ ខែតុលា ឆ្នាំ២០២៤
ខេត្តកណ្តាល ÷ ពិតជាគួរអោយកោតសរសើរដល់មន្ត្រីជំនាញពាក់ព័ន្ធក្នុងស្រុកស្អាង ពិសេសជំនាញជលផលស្រុក និងខេត្ត ដែលបានបណ្តែតបណ្តោយ និងបើកដៃអោយមានបទល្មើសនេសាទយ៉ាងអនាធិបតេយ្យក្នុងដែនសមត្ថកិច្ចរបស់ខ្លួន បើទោះបីជាបទល្មើសនេសាទទាំងនោះ បានដាក់ដល់ជណ្ដើរផ្ទះរបស់ខ្លួនក៏ដោយ ក៏អស់លោកទាំងនោះមិនដែលយកចិត្តទុកដាក់ រឺចាប់អារម្មណ៍ និងមានវិធានការទប់ស្កាត់ និងបង្រ្កាបនោះទេ។
គួររំលឹកផងដែរថាកាលពីថ្ងៃទី២៨ ខែកញ្ញា ឆ្នាំ២០២៤ កន្លងទៅ អ្នកសារព័ត៌មានជាច្រើនអង្គភាពបានធ្វើការរាយការណ៍ និងបានចុះផ្សាយម្តងរួចទៅហើយ ក៏ប៉ុន្តែមកទល់ថ្ងៃ ០៥ ខែតុលា ឆ្នាំ២០២៤ នេះ ពុំទាន់ឃើញមានសមត្ថកិច្ចមន្ត្រីជំនាញណា ចុះទៅអើតមើល បទល្មើសនេសាទទាំងនោះនៅឡើយទេ ររឺមួយបទល្មើសនេសាទទាំងនោះជាឆ្នាំងបាយក្រៅម៉ោង បានភ្លេចគិតពី តួនាទីរបស់ខ្លួន សុីតែប្រាក់ខែរដ្ឋ ប៉ុន្តែមិនធ្វើការ។
គួរបញ្ជាក់ផងដែរថា រាល់របាំងស្បៃមុងសាច់ខៀវ ចាប់ពីចំណុចបឹងធំ បឹងលើ អាងយុវជន ក្នុងឃុំខ្ពប ឃុំប្រាសាទ ស្រុកស្អាង សុទ្ធសឹងតែជារបស់ជនជាតិវៀតណាម ដែលមានប្រវែងរាប់គីឡូដី និងរាប់សិបឡុក លាតសន្ធឹងពេញផ្ទៃបឹង ដែលបានដាក់ចាប់ពីរដូវបិទរហូតដល់រដូវបើកនេសាទ ពុំដែលឃើញមានអាជ្ញាធរ សមត្ថកិច្ច មន្ត្រីជំនាញពាក់ព័ន្ធណាចុះធ្វើការទប់ស្កាត់និងបង្ក្រាបសោះ រឺមួយក៏អស់លោកទាំងនោះត្រូវថ្នាំង វេទមន្តអ្វី? ធ្វើអោយ ព្រិលភ្នែក មើលមិនឃើញបែបនេះ?
ប្រជាពលរដ្ឋក្នុងខេត្ត គោរពសំណូមពរដល់ឯកឧត្តម គួច ចំរើន អភិបាលនៃគណៈអភិបាលខេត្តកណ្តាល និងគោរពស្នើរសុំដល់ឯកឧត្តម ឌិត ទីណា រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទនៃកម្ពុជា មេត្តាទាន ចាត់មន្ត្រីក្រោមឱវាទចុះធ្វើការទប់ស្កាត់ រាល់បទល្មើសនេសាទខុសច្បាប់ នៅចំណុចភូមិសាស្ត្រខាងលើផងទាន បើពុំដូច្នោះទេ ធនធានធម្មជាតិដែលនៅក្នុងទឹកច្បាស់ជារលាយជាក់លាក់ជាពុំខានឡើយ សូមអរគុណ៕
