បងថ្លៃប្អូនថ្លៃផឹកសុីជាមួយគ្នាទាស់ពាក្យសម្ដីកាប់ប្អូនថ្លៃរងរបួសក្បាលដេរ៩០ថ្នេរ... !

 បងថ្លៃប្អូនថ្លៃផឹកសុីជាមួយគ្នាទាស់ពាក្យសម្ដីកាប់ប្អូនថ្លៃរងរបួសក្បាលដេរ៩០ថ្នេរ... !

ភ្នំពេញ៖ សមត្ថកិច្ចខណ្ឌដង្កោឃាត់ខ្លួនជនសង្ស័យម្នាក់ដែលត្រូវជាបងថ្លៃប្រើហឹង្សាកាប់ទៅលើប្អូនថ្លៃបណ្តាលឲ្យរងរបួសដេរចំនួន៩០ថ្នេរ។

ហេតុការណ៍បង្កឲ្យមានការភ្ញាក់ផ្អើលខាងលើនេះបានកើតឡើងកាលពីវេលាម៉ោង៣និង៤០នាទី រសៀលថ្ងៃទី១៥ ខែមករា ឆ្នាំ២០២៣ ស្ថិតនៅភូមិព្រែកថ្លឹង សង្កាត់ព្រែកកំពិស ខណ្ឌដង្កោ រាជធានីភ្នំពេញ។

សមត្ថកិច្ចបានឲ្យដឹងថា ជនរងគ្រោះមានឈ្មោះ សេង ពិសិដ្ឋ ភេទប្រុស អាយុ២២ឆ្នាំ មុខរបររត់ម៉ូតូកង់បី ស្នាក់នៅចំណុចកើតហេតុខាងលើ។

ចំណែកជនសង្ស័យដែលត្រូវជាបងថ្លៃមានឈ្មោះ ហ៊ុន ប្រុសពេជ្រ ភេទប្រុសអាយុ២៧ឆ្នាំ។

យោងតាមប្រភពព័ត៍មានពីកន្លែងកើតហេតុបានឲ្យដឹងថា មុនពេលកើតហេតុជនរងគ្រោះដែលត្រូវជាប្អូនថ្លៃនិងជនសង្ស័យរួមនិងមិត្តភក្ត័ម្នាក់ទៀតបានផឹកស៊ីជាមួយគ្នា ក្រោយពេលស្រវឹងរៀងៗខ្លួនមិត្តភ័ក្រម្នាក់ទៀតបានសុំទៅផ្ទះមុន នៅសល់តែជនរងគ្រោះនិងជនសង្ស័យនៅផឹកបន្តជាមួយគ្នា មួយសន្ទុះក្រោយប្រពន្ធរបស់ជនរងគ្រោះបានទៅហៅប្តី ឲ្យត្រលប់ទៅផ្ទះវិញ ខណ:ជនរងគ្រោះមកដល់ផ្ទះវិញស្រាប់តែបងថ្លៃស្រីម្នាក់ទៀតបានស្តីបន្ទោសឲ្យជនរងគ្រោះរអ៊ូរទាំរឿងពូកែដើរផឹក ហើយជនរងគ្រោះបានឆ្លើយតបជាមួយបងថ្លៃស្រីវិញថា បងឯងពូកែរអ៊ូដាក់ខ្ញុំច្រើនម្លេះ ស្រាប់តែជនសង្ស័យដែលកំពុងតែឈរនៅលើផ្ទះស្តាប់ឮ ក៏និយាយថា អ្ហែងអីក៏សំដីខ្លាំងម្លេះ រួចជនរងគ្រោះក៏បានឆ្លើយតបវិញថា បើបងឯងខ្លាំហក់មក ខណ:បងថ្លៃឮសម្ដីប្អូនថ្លៃនិយាយឌឺដងបែបនេះ ក៏ស្ទុះទៅធាក់ជនរងគ្រោះចំកណ្តាលមុខមួយជើងបណ្តាលឲ្យដួលដាច់ផ្ងារនៅលើដី រួចជនរងគ្រោះងើបមកវិញបានប្រតាយប្រតប់គ្នាជាមួយជនសង្ស័យ រួចជនសង្ស័យរើបម្រះពីជនរងគ្រោះស្ទុះទៅទាញកាំបិតបុ័ងតោកាប់ទៅលើជនរងគ្រោះបណ្តាលឲ្យរងរបួសធ្ងន់បញ្ជូនទៅកាន់មន្ទីរពេទ្យដើម្បីធ្វើការសង្រ្គោះភ្លាមៗដោយគ្រូពេទ្យបានដេរចំនួន៩០ថ្នេរ។

ក្រោយពេលកើតហេតុសមត្ថកិច្ចនគរបាលប៉ុស្តិព្រែកំពិសបានចុះទៅឃាត់ខ្លួនបុរសដែលត្រូវជាបងថ្លៃរបស់ជនរងគ្រោះមកធ្វើការសាកសួ ដោយនៅចំពោះមុខសមត្ថកិច្ចជនសង្ស័យបានឆ្លើយសារភាពប្រាប់សមត្ថកិច្ចថា រូបគេពិតជាបានធ្វើសកម្មភាពកាប់ទៅលើប្អូនថ្លៃពិតប្រាកដមែន។

បច្ចុប្បន្នជនសង្ស័យកំពុងតែឃុំខ្លួនបណ្តោះអាសន្ននៅអធិការដ្ឋាននគរបាលខណ្ឌដង្កោ ដើម្បីកសាងសុំនុំរឿងបញ្ជូនទៅកាន់តុលាការចាត់ការតាមនិតិវិធី៕